ბადრი პატარკაციშვილის დედა, ნათელა პატარკაციშვილი 87 წლის ასაკში გარდაიცვალა. მას ჯანმრთელობის პრობლემები ჰქონდა და ბოლო პერიოდში კლინიკაში მკურნალობდა.ის უგონო მდგომარეობაში აპარატზე იყო შეერთებული.

“წავიდა ჩვენი უსაყვარლესი ქალბატონი, ნათელა პატარკაციშვილი აღარ გვყავს”, – დაწერა ოჯახის ახლობელმა, ყოფილმა პარლამენტარმა მარინა მოლოდინმა სოციალურ ქსელში.

შეგახსენებთ, მილიარდერი ბიზნესმენი, ჰოლდინგის სს „ი-მედიას“ დამფუძნებელი, საქართველოს ეროვნული ოლიმპიური კომიტეტის ყოფილი პრეზიდენტი ბადრი პატარკაციშვილი 2008 წლის 12 თებერვალს, ლონდონში, 52 წლის ასაკში, გულის შეტევით გარდაიცვალა, თუმცა მის ოჯახის წევრებს დღემდე მიაჩნიათ, რომ რომ ბადრი პატარკაციშვილი მოკლეს.