უახლესი მონაცემების თანახმად, გასული დღე-ღამის მანძილზე საქართველოში კორონავირუსის რეკორდული 158 შემთხვევა გამოვლინდა, რითაც შემთხვევათა საერთო რაოდენობამ 2075-ს მიაღწია.

გამოჯანმრთელებულთა საერთო რაოდენობა შეადგენს 1363-ს. კარანტინში რჩება 5882 პირი. 390 ინფიცირებულზე სტაციონარში ინტენსიური მეთვალყურეობა მიმდინარეობს. კოვიდ-19-ის დიაგნოზით საზღვარგარეთიდან გადმოყვანილია საქართველოს 41 მოქალაქე.

დაავადებათა კონტროლის ეროვნული ცენტრი მოსახლეობას მოუწოდებს, კოვიდ-19-ის პრევენციის მიზნით შეასრულონ რეკომენდაციები, კერძოდ, საპნით ხშირად დაიბანონ ხელები, დაიცვან 2-მეტრიანი დისტანცია და ნიღბის ტარება ნორმად აქციონ.

უკანასკნელი ცნობების თანახმად, მსოფლიოში ჯამურად გამოვლენილია კორონავირუსის 28 663 304 შემთხვევა, საიდანაც 919 797 ფატალურად დასრულდა.