ვაქცინას ChAdOx1 nCoV-19-ი ეწოდება და ის უპრეცედენტო სისწრაფით მზადდება, რათა გლობალური პანდემია შეაჩეროს.

ვაქცინა იმ გენეტიკურად შეცვლილი ვირუსისგან არის დამზადებული, რაც შიმპანზეებში გაციებას იწვევს. მეცნიერებმა აღნიშნული ვირუსი ძალიან მკვეთრად გარდაქმნეს. ის კორონავირუსის მსგავსად “გამოიყურება”, რადგან ეგრეთ წოდებული “სპაიკ-პროტეინი”, რომლითაც კორონავირუსი ადამიანის უჯრედებში აღწევს, ახლად მომზადებულ ვირუსზეც არის “მიმაგრებული”, რითაც პრეპარატი კორონავირუსს დაემსგავსა და ორგანიზმს მისცა შესაძლებლობა, ისწავლოს, თუ როგორ გაუმკლავდეს კოვიდ-19-ს.

მოკლედ, ახალი ვაქცინა, ასე ვთქვათ, “სავარჯიშო მსხლის” როლს ასრულებს ჩვენი იმუნური სისტემისთვის. ხოლო ანტისხეულები იმუნური სისტემის ის ცილებია, რომლებიც ვირუსზე მაგრდებიან და თუ მათ გამანეიტრალებელი ეფექტი ექნებათ (რასაც მათ ახალი ვაქცინა სძენს), ისინი შეძლებენ ვირუსის განადგურებას.

ახალი ვაქცინა სრულიად უსაფრთხოა, თუმცა ცდაში მონაწილე პირების 70 %-ს მაღალი სიცხე და თავის ტკივილი დაუფიქსირდათ, რის წინააღმდეგაც, მეცნიერების მტკიცებით, პარაცეტამოლი უნდა გამოვიყენოთ.