ბანგლადეშს მსოფლიოში მეორე ადგილი უკავია ტანსაცმლის ექსპორტით ჩინეთის შემდეგ, ამ წელს ქვეყანა დაკარგავს დაახლოებით 6 მილიარდ დოლარს საექსპორტო შემოსავალს, რადგან სამომხმარებლო ბაზარზე მსოფლიოს უმსხვილესმა რიტელიერებმა შეკვეთები გააუქმეს.

ორივე ჯგუფმა, რომლებიც წარმოადგენს მზა ტანსაცმლისა და ტრიკოტაჟის წარმოებას ქვეყანაში, აცხადებენ, რომ კორონავირუსით გამოწვეული გლობალური კარანტინის გამო ყოველდღიურდად უქმდება შეკვეთები, რომელმაც შეიძლება საფრთხე შეუქმნას მილიონობით სამუშაო ადგილს სამხრეთ აზიის ამ ღარიბ ქვეყანაში.

დაბალი ხელფასები ბანგლადეშს დაეხმარა განევითარებინა სამკერვალო-საფეიქრო ინდუსტრია, სადაც დაახლოებით 4000 ქარხანაში 4 მილიონი მუშა არის დასაქმებული.

2019 წლის ფინანსური წლისთვის, ტანსაცმლის ექსპორტმა შეადგინა 34, 12 მილიარდი აშშ დოლარი, რაც ქვეყნის მთლიანი ექსპორტის 84% -ია.