იბუპროფენი არასტეროიდულ ანთების საწინააღმდეგო პრეპარატების ჯგუფს მიეკუთვნება. ის ეხმარება ადამიანს ტემპერატურის დაწევაში და ამსუბუქებს გრიპის ან სხვა ვირუსული ინფექციის სიმპტომებს. თუმცა, მას შეუძლია გვერდითი ეფექტების გამოწვევაც, განსაკუთრებით ასთმის, გულის დაავადებების და სისხლის ცირკულაციის პრობლემების დროს.

გამოკვლევები იბუპროფენის თვისებების შესახებ Covid-19-ის ინფექციის დროს არ ჩატარებულა, თუმცა წინათ შეისწავლეს პრეპარატის გავლენა სხვა რესპირატორული ინფექციებით დაავადების შემთხვევებში. ამდენად, დამტკიცებულია, რომ მთელ რიგ შემთხვევებში იბუპროფენს ავადმყოფის მდგომარეობის გაუარესება შეუძლია. სპეციალისტები ეყრდნობიან იმ მოსაზრებას, რომ იბუპროფენში შემავალ ერთ-ერთ ნივთიერებას ძალუძს იმუნური სისტემის დასუსტება, რაც სასიცოცხლოდ აუცილებელია ვირუსული ინფექციების შემთხვევაში. ამიტომ მიუხედავად იმისა, რომ იბუპროფენის მავნებლობა კორონავირუსიან პაციენტებთან მიმართებით დამტკიცებული არ არის, ადამიანებს სთხოვენ, მედიკამენტის მიღებისგან მაინც თავი შეიკავონ.

განსხვავებული მოსაზრება აქვთ სპეციალისტებს პარაცეტამოლთან მიმართებით, რადგან აღნიშნულ პრეპარატს ნაკლები გვერდითი ეფექტები გააჩნია.

ოთხშაბათს ჯანდაცვის მსოფლიო ორგანიზაციამ ოფიციალურად მოუწოდა პაციენტებს, რომლებსაც აქვთ Covid-19, თავი შეიკავონ იბუპროფენის მიღებისგან.