მაგრამ მაინც რანაირად გავარკვიო, სეზონური გრიპი მჭირს, გაციება თუ Covid-19?

ერთ რაღაცას ყველა უნდა შევეგუოთ: არ არსებობს კორონავირუსის უტყუარი სიმპტომები, რომელთა მიხედვით სრული ასი პროცენტით ვიტყოდით, რომ ეს არის კორონავირუსი და არა გაციება ან სეზონური გრიპი. თუმცა, არსებობს სიმპტომების რამდენიმე კატეგორია, რაც შედარებით უფრო ხშირად ახასიათებს კორონავირუსს. ესენია სიცხე (38 გრადუსი ან მეტი ცელსიუსით) და ხველება. კორონავირუსს ასევე ახასიათებს დაღლილობის შეგრძნება, სახსრების ტკივილი, გამონადენი ცხვირიდან, ყელის ტკივილი, თავის ტკივილი, დიარეა და სუნთქვის უკმარისობა, თუმცა გაცილებით უფრო იშვიათად, ვიდრე პირველი ორი სიმპტომი.

თუმცა, სიცხე და ხველება ახასიათებს გრიპსაც, მაგრამ კორონავირუსისგან განსხვავებით ამ უკანასკნელს დაღლილობა უფრო სჩვევია. გრიპისთვის ასევე ბევრად უფრო ხშირად არის დამახასითებელი სახსრების და თავის ტკივილი.

მნიშვნელოვანი სიმპტომი, რაც ხანდახან (თუმცა არა მაინცდამაინც ხშირად) ახასიათებს კორონავირუსს და არა გაციებას და გრიპს, ეს არის სუნთქვის უკმარისობა.

გაციებას რაც შეეხება, ის უფრო ხშირად სახსრების ტკივილით, სურდოთი, ყელის ტკივილით და ცემინებით გამოიხატება. Covid-19-ს ცემინება არ ახასიათებს.

ასე რომ, თუ გაცემინებთ, როგორც ამხანაგი ვაჟა იტყოდა “ცისფერი მთებიდან”, გადავრჩენილვართ, მეგობრებო.