ექიმებმა აუცილებლად უნდა გაითვალისწინონ ის გარემოება, რომ პაციენტს შეიძლება მოერიდოს, რომ საკუთარი ინიციატივით დაიწყოს საუბარი სექსის დროს შესაძლო ფიზიკურ გართულებებზე გულის დაავადებათა არსებობის შემთხვევაში. ამიტომ კარგმა კარდიოლოგებმა თავად უნდა აუხსნან მათ, ქმნის თუ არა საფრთხეს სექსი კონკრეტულად მათ შემთხვევაში, რადგან სექსი ადამიანის ცხოვრების ძალიან მნიშვნელოვანი ასპექტია.

თუმცა, არსებობს გარკვეული ზოგადი რეკომენდაციები ყველასათვის: გულის დაავადებების არსებობის შემთხვევაში თავდაპირველად დაიწყეთ კოცნით და ალერსით. შემდეგ კი გადადით პარტნიორის ხელით დაკმაყოფილებაზე ან ორალურ სექსზე. ხოლო თუ ამ ყველაფერმა უსაფრთხოდ ჩაიარა, მეორე დღეს უკვე ტრადიციული სექსი სცადეთ. ასე გვირჩევენ მედიკოსები.

კვლევამ დაადასტურა, რომ გულის პაციენტებისთვის სექსი სარისკოა მაშინ, როცა თავს დაცულად და უსაფრთხოდ ვერ გრძნობს – როცა ეშინია, რომ პარტნიორი მიატოვებს და როცა ფარულად კავდება სექსით.

თავისუფალ ურთიერთობებში მყოფ პაციენტებს გულის ინფარქტის ნაკლები რისკი აქვთ.

გულის პაციენტების 99, 1 %-ისთვის სექსი სრულიად უსაფრთხოა. “ვისაც კიბის ავლა შეუძლია, მას სექსიც შეუძლია”, – ასე განმარტავენ გერმანელი მედიკოსები.