მოლიმ მკერდის კიბოს დიაგნოზი ცხოვრებაში მეორედ მიიღო. პირველად მსგავსი დიაგნოზი 2011 წელს დაუსვეს, რის შემდეგაც მკურნალობის პროცედურა წარმატებით ჩაიტარა. ამჟამინდელი დიაგნოზი 9 წლის შემდეგ უკვე მეორეა და ექიმები განკურნების იმედს მას უკვე ვეღარ აძლევენ.

მოლი ცოტა ხნის წინ ქმარს გაშორდა და გადაწყვიტა, თავისუფალი სექსუალური ცხოვრებით იცხოვროს და სიცოცხლით დატკბეს. ეს პოდკასტებიც სწორედ ამის შესახებ არის გადაღებული.

“სექსუალურად ჩემ ქმარს და მე ქორწინებაში სირთულეები გვქონდა ჯერ კიდევ მანამ, სანამ კიბოს დიაგნოზს დამისვამდნენ [პირველ ჯერზე]“, – ამბობს მოლი, რომლის გვარი კონფიდენციალურობის გამო არ მჟღავნდება. “დიაგნოზის დასმამდე მე დაჟინებით ვცდილობდი, “გადამეტვირთა” ჩვენი სექსუალური ცხოვრება, ხოლო მერე უცებ კიბო გამოჩნდა”.

პირველი მკურნალობის შემდეგ, რაც ორმაგ მასტექტომიას, დასხივებას, ქიმიოთერაპიას და რეკონსტრუქციულ ქირურგიას მოიცავდა, მოლი და მისი მეუღლე ძველებურ მონოგამიურ ცხოვრებას აღარ დაბრუნებიან. ისინი მხოლოდ ფორმალურად დარჩნენ ერთად – მოლის განმეორებით დიაგნოზამდე.

გასაოცარია, მაგრამ ინტენსიურმა ქიმიოთერაპიამ და სხივურმა თერაპიამ ვერ დაანგრია მოლის სხეული. თუ არ იცით მისი ამბავი, ვერაფრით ვერ იტყვით, რომ კიბო სჭირს. უფრო მეტიც: უცნაურია, მაგრამ მედიკამენტებმა მისი ლიბიდო ჩარჩოებიდან ამოაგდო. ახალგაზრდა ქალს გაშმაგებით სურს სექსი, გაშმაგებით სურს, დაეწაფოს სიცოცხლის თითოეულ ატომს.

“მე მუდმივად აღგზნებული ვარ”, – ამბობს მოლი. “ჩემს სხეულს შეხება და მოფერება სურს”.

მოლიმ მეორე დიაგნოზის შემდეგ ქმარი მიატოვა და დაუყოვნებლივ სექსუალურ თავგადასავლებში გადაეშვა. ის ხვდება მამაკაცებს და ცდილობს, ცხოვრებით დატკბეს”.

“სექსი მე მაცოცხლებს”, – ამბობს მოლი. “მაძლევს უნარს, ჩემი საშინელი დიაგნოზი დავივიწყო და იმაზე აღარ ვიფიქრო, რაც მალე მომელის”.

“ის სექსუალურად და ემოციურად ძალიან ღიაა”, – ამბობს ბოიერი საკუთარ ერთგულ მეგობარზე. “სექსი მას ეხმარება, ხელახლა შეიგრძნოს საკუთარი სხეული”.

ქალებმა ერთმანეთი 20 წლის წინ, ნიუ-იორკში გაიცნეს. მაშინ ორივე მსახიობი იყო და ძალიან ახალგაზრდა. ისინი მალე დამეგობრდნენ და ერთმანეთი მას შემდეგ არცერთ გასაჭირში არ მიუტოვებიათ.

ორივე ამბობს, რომ პოდკასტების ჩაწერის იდეა 2018 წელს გაუჩნდათ, მაშინ, როცა მოლისთან ერთად ვახშმობდნენ.