გაირკვა, რომ ქალმა თავის გერს ისიც უთხრა, რომ ის იყო მისი არდაბადებული ბავშვის მამა, როდესაც ის დაორსულდა.

როცა ბავშვი დაიბადა, დნმ-ის ტესტებმა დაადასტურა, რომ სინამდვილეში თინეიჯერის მამა იყო მშობელი.

მსხვერპლი საბოლოოდ პოლიციამ მაშინ გამოკითხა, როდესაც მას 20 წელი შეუსრულდა. მანამდე ეს ამბავი 4 წლის მანძილზე გაუხმაურებელი რჩებოდა და ქალი სისტემატიურად ამყარებდა სექსუალურ კონტაქტს ბიჭთან.

ახალგაზრდა მამაკაცმა განუცხადა პოლიციას, რომ დედინაცვალმა მასთან ჯერ კიდევ მაშინ დაიწყო ფლირტი, როდესაც ის მხოლოდ 15 წლის იყო, ხოლო სრული სექსუალური აქტივობა დაიწყო მას შემდეგ, რაც 16 წელი შეუსრულდა.

დაზარალებულმა პოლიციას განუცხადა, რომ სქესობრივი კავშირი დედინაცვალთან თითქმის ყოველდღიურად ჰქონდა ორი წლის განმავლობაში, სანამ 18 წლის გახდებოდა.

იმისათვის, რათა მსხვერპლზე ზემოქმედება მოეხდინა, ქალი ეუბნებოდა მას, რომ ახალდაბადებული ბავშვის მამა იყო.

სასამართლომ ქალი დამნაშავედ ცნო ოჯახის წევრთან სექსუალური კავშირის ბრალდების სამ პუნქტში.

ადვოკატმა, კარენ უოლტონმა თქვა: ”იგი საშინლად არის შეშფოთებული მისი საქციელით და ჯერ კიდევ ცდილობს იმის გაგებას, თუ რატომ მოიქცა ასე ამდენი ხნის განმავლობაში”.

განაჩენის გამოცხადების დროს, მოსამართლე ჯული ვარბურტონმა დამნაშავე ქალს განუცხადა, რომ ის შეძრწუნებული იყო მისი საქციელით.

ქალი ასევე შეიყვანეს სექსუალური დამნაშავეების რეგისტრში, სადაც ის მთელი დარჩენილი ცხოვრების მანძილზე იქნება დარეგისტრირებული.