27 წლის მამაკაცი, რომელიც რამდენიმე ხნის წინ დააპატიმრეს, არასრულწლოვან გოგონას შეხვდა. გოგონამ მას თანხმობა განუცხადა, ღამე ერთად გაეთიათ, თუმცა არ უთქვამს, რომ სექსი ჰქონოდათ. მათ ნებაყოფლობით ერთ საწოლში ეძინათ. ღამით მამაკაცმა გოგონას ხელი საცვლებში ჩაუყო. მათ ვაგინალური სექსი არ ჰქონიათ, თუმცა ხელის საცვლებში ჩაყოფა სასამართლომ მამაკაცს მაინც გაუპატიურებად ჩაუთვალა.

სასამართლომ მხედველობაში არ მიიღო ის გარემოება, რომ გოგონასაც და მამაკაცსაც ნებაყოფლობით ეძინათ ერთსადაიმავე საწოლში, სადაც ასევე ნებაყოფლობით მხოლოდ საცვლები ეცვათ და არც ის, რომ გოგონას მამაკაცისთვის არანაირი წინააღმდეგობა არ გაუწევია.

თავდაპირველად მამაკაცს პირველი ინსტანციის სასამართლომ 3 წლით და 3 თვით თავისუფლების აღკვეთა მიუსაჯა. უზენაესმა სასამართლომ ეს ვერდიქტი გადასინჯა და მამაკაცს ერთი წლით შეუმსუბუქა ციხეში გასატარებელი სასჯელის მოცულობა.

შვედეთი ერთადერთი ქვეყანაა ევროპაში, სადაც მსგავსი კანონმდებლობა მოქმედებს. დანარჩენ ქვეყნებში იმისათვის, რათა სექსუალური აქტი გაუპატიურებად ჩაითვალოს, ჩუმი უარი არ კმარა და აქტიური “არა” და წინააღმდეგობაა საჭირო.

შვედეთმა გაუპატიურების შესახებ მსგავსი გამკაცრებული კანონმდებლობა 2018 წლის პირველ ივლისს, #MeToo-ს კამპანიის გავლენით მიიღო, თუმცა აღნიშნულთან დაკავშირებით დისკუსია და განხილვები დღემდე არ წყდება.