შემდეგ ამ გარდაცვლილი ახალგაზრდების მშობლები და სხვა ნათესავები დადგებიან მიცვალებულის კუბოსთან, დაიწყებენ ტირილს და ხელების მტვრევას და ვერ იგებენ (ან არ სურთ გაიგონ), თუ რამ მოკლა მათი საყვარელი თორნიკე, ნინო, გიორგი თუ ქეთი. რამ მოკლა და თქვენ მოკალით. გახსოვთ, უფლებას რომ არ აძლევდით, სასურველი ადამიანები მიეყვანა თავის საძინებელ ოთახში?

გერმანიაში ამ მხრივ განსხვავებული მდგომარეობაა, რადგან გერმანია განვითარებული და თანამედროვე სახელმწიფოა. იქ ნათესავები ერთმანეთის პირად ცხოვრებაში არ ერევიან. შესაბამისად ბუნება თავისას აკეთებს და ამ დასავლეთევროპულ ქვეყანაში 15 წლამდე ასაკის ახალგაზრდების 20 %-ს და 17 წლის ასაკის ახალგაზრდების 69 %-ს უკვე აქვს სექსუალური გამოცდილება, ხოლო 21 წლის ასაკამდე ეს რიცხვი 89 %-მდეც კი იზრდება.

კვლევით ასევე დადგინდა ისიც, რომ 18 წლამდე ასაკის გერმანელი გოგონების 82 %-ს აქვს სექსუალური გამოცდილება. გერმანიაში მცხოვრები 18 წლამდე ასაკის თურქი გოგონების სტატისტიკური მაჩვენებელი კი თითქმის ამის ნახევარი აღმოჩნდა და 40 % შეადგინა. ანუ ქართველებს გენდერული თანასწორობის მხრივ უკვე თურქებიც კი გვისწრებენ და ასე თუ გაგრძელდა და ეკლესიამ ისევ ძველებურად შეძლო განათლების საკითხებში ცხვირის ჩაყოფა, ავღანეთიც მალე გაგვისწრებს, თქვენ ამაზე ნუ იდარდებთ. მსოფლიო წინ მიდის, მათ შორის ავღანეთიც, ჩვენ კი საით მივექანებით, არავინ იცის.