ქალი და მამაკაცი კვლევა: სექსის ნაკლებობა კიბოს და გულის დაავადებებს იწვევს 2020, 25 თებერვალი, 19:39 
სექსის ნაკლებობა არამხოლოდ ქრონიკულ დაავადებებს აჩენს და აძლიერებს, არამედ კიბოსა და გულის უკმარისობასაც. ამის შესახებ ლონდონის საუნივერსიტეტო კოლეჯის ახალ კვლევაშია საუბარი. მეცნიერებმა დაადგინეს, რომ არასრულფასოვან სექსუალურ ცხოვრებას ჯანმრთელობისთვის ძალიან სერიოზული ზიანის მოტანა შეუძლია. მათ საკუთარი კვლევის შედეგები ჟურნალში “Archives of Sexual Behavior” გამოაქვეყნეს. სწორედ აღნიშნული კვლევის მეშვეობით გაირკვა, რომ მამაკაცებს, რომლებიც აქტიურ სექსუალურ ცხოვრებას არ მისდევენ, ორი მესამედით მეტი რისკი აქვთ, სერიოზული დაავადებებით დაავადდნენ, ვიდრე მამაკაცებს, რომლებიც აქტიური სექსუალური ცხოვრებით ცხოვრობენ. ქალების შემთხვევაში ეს მაჩვენებელი ცოტათი ნაკლები, 64 %-მდე აღმოჩნდა. ხოლო რაც შეეხება გულის იშემიურ დაავადებებს, მათმა რისკმა ორივე სქესის არააქტიურ ინდივიდებში 30 %-ით მოიმატა. 
აღნიშნულ კვლევას მხარს უბამს ჰარვარდის უნივერსიტეტის კვლევაც, რომელიც 30 000 მამაკაცზე ჩატარდა. აღმოჩნდა, რომ ის მამაკაცები, რომლებიც თვეში 21-ჯერ ან მეტჯერ ეაკულირებენ, გაცილებით უფრო ნაკლებად ავადდებიან პროსტატის კიბოთი, ვიდრე ის მამაკაცები, რომლებიც თვეში 7-ჯერ ან კიდევ უფრო ნაკლებად ეაკულირებენ.
მეცნიერები ამ ყოველივეს მიზეზად იმას ასახელებენ, რომ სექსის დროს განსაკუთრებით დიდი ოდენობით ბედნიერების ჰორმონები გამოიყოფა. გარდა ამისა, სექსი ერთგვარი სპორტია და ხელს უწყობს კალორიების დაწვას და სხეულის ჯანმრთელ ფორმებში შენარჩუნებას. 170 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
