უკანონო შემოსავლების ლეგალიზაცია - სისხლის სამართლის კოდექსის 194-ე მუხლი. ითვალისწინებს ხუთ წლამდე თავისუფლების აღკვეთას...

ამის გათვალისწინებით, რომ ცნობილ ფეხბურთელსა და ამჟამად "ქართული ოცნების" ერთ-ერთ ლიდერს კახა კალაძეს პროკურატურა უკანონო შემოსავლების ლეგალიზაციას ედავება, უნდა ვივარაუდოთ, რომ მას დღეს ან ხვალ, დააკავებენ. ყოველ შემთხვევაში, რადგან მას საბანკო ანგარიშები დაუყადაღეს, ესე იგი ამ დანაშაულში ბრალდებულია, რადგან ისევ სისხლის სამართლის საპროცესო კოდექსის 151-ე მუხლის მოთხოვნათა შესაბამისად, პროკურატურას სასამართლოსთვის ყადაღის მოთხოვნა მხოლოდ იმ შემთხვევაში შეუძლია, როცა აღძრულ სისხლის სამართლის საქმეში ვინმე ცნობილია ბრალდებულად...

პროკურატურას ბრალდების წარდგენაზე არაფერი უთქვამს, თუმცა გაავცელა განცხადება, რომ კალაძის ანგარიშები სწორედ იმის გამო დააყადაღა, ბოლო პერიოდში მის ანგარიშზე საეჭვოდ დიდი თანხა, 6 მილიონი ჩაირიცხა და აქედან 1 მილიონ 600 ათასი გავიდაო...

არ დაკონკრეტებულა, რას ნიშნავს ბოლო პერიოდი და რატომ ჩათვალა პროკურატურამ კალაძის ფული უკანონო შემოსავლად.

მოკლედ და გასაგებად რომ ვთქვათ, უკანონო შემოსავლების ლეგალიზაცია იმას ნიშნავს, როცა პირს კანონის დარღვევით აქვს ნაშოვნი ფული (მაგალითად, ნარკოტიკებით ან იარაღით ვაჭრობა, დანაშაულებრივი გარიგებებით) და მის ლეგალიზაციას, ანუ კანონის ჩარჩოში მოქცევას ახდენს.

ვერ გეტყვით, რას გულისხმობს პროკურატურა უკანონო შემოსავლებში და კონკრეტულად რა მტკიცებულებები აქვს ამ 6 მილიონი ლარის უკანონო წარმოშობის შესახებ, მაგრამ ის, რაც გამოქვეყნდა, პრაქტიკულად არაფერს ნიშნავს...

კალაძემ უკვე მიმართა სააპელაციო სასამართლოს ყადაღის მოხსნის მოთხოვნით.

ვნახოთ, რა მტკიცებულებებს დადებს პროკურატურა კალაძის წინააღმდეგ. თუ მას ბრალი დაუდასტურდა, როგორც ზემოთ აღვნიშნეთ, 5 წლამდე პატიმრობა ემუქრება!!!