პოლიტოლოგი ხათუნა ლაგაზიძე, რომელიც აქტიურადაა ჩართული ქვეყანაში მიმდინარე პოლიტიკურ პროცესებში და სახელმწიფო მართვის თეორიის გამოცდილი სპეციალისტია, სოციალურ ქსელში ყოველთვის მწვავე სტატუსებით გამოირჩევა. ამჟამად ქალბატონი ხათუნა ქვეყანაში მიმდინარე მოვლენებს "მართვად სიგიჟეს" უწოდებს და ფეისბუქზე წერს: - " მართვადი ქაოსი გამიგია, მაგრამ ის, რაც ჩვენს ქვეყანაში ხდება - მართვადი სიგიჟეა. მასობრივი ჰიპნოზის ქვეშ ვცხოვრობთ. ასეთი სკურპულოზურად მართული საინფორმაციო სივრცე მე არ მინახავს. ჰიბრიდული ომი კი არა, მთელი საზოგადოება დიდი ფსიქიკური ექსპერიმენტის მსხვერპლები ვართ: რაციოს, რეალურსა და ირეალურს, ცხადსა და სიზმარს შორის ზღვარი უნდათ წაშალონ - ბურუსში უნდა ჩაძირონ საზოგადოების ცნობიერება, რომ კრიტიკული აზროვნების უნარი გათიშონ. არ ვარ საქართველოში და აქტიურად ვერ ვადევნებდი თვალს, რაც ხდებოდა. ახლა თავისუფალი ორი წუთი ჩამივარდა და ამ ტექნოლოგიებში ოდნავ ჩახედული ადამიანისთვისაც ცალსახაა - ჰიბრიდული ომი მონაგონია იმასთან შედარებით, რასაც ჩვენ გვიკეთებენ: რაის წილხვედრობა, როენა და გირჩის საროსკიპოები, ადამიანებო - როგორც ზომბებს, ისე გვმართავენ ხელოვნურად შექმნილი საინფორმაციო საბაბებით! ყველაფრის გაშარჟება და გაუფასურება ხდება: რელიგიიდან დაწყებული, საზოგადოებრივი ღირებულებებით და სახელმწიფო ინსტიტუტებით დამთავრებული. მანიპულაციის სუპერთანამედროვე მეთოდებით საზოგადოების გამოთაყვანების დაუნდობელი ექპსერიმენტის ობიექტები ვართ ყველანი."