სხვა
ვლადიმერ პუტინი - სირიაში ოპერაცია გაგრძელდება, სანამ სირიის არმია ტერორისტების წინააღმდეგ შეტევით ოპერაციებს არ დაასრულებს
2015, 16 ოქტომბერი, 15:10
რუსეთის პრეზიდენტის ვლადიმერ პუტინის განცხადებით, სირიაში საჰაერო ოპერაცია იქამდე გაგრძელდება, სანამ სირის არმია ტერორისტების წინააღმდეგ შეტევით ოპერაციებს არ დაასრულებს. როგორც "რია ნოვოსტი" იტყობინება, ამის შესახებ რუსეთის პრეზიდენტმა დსთ-ს ლიდერთა საბჭოს სხდომაზე განაცხადა.
პუტინის მოსაზრებით, სირიაში რუსეთის საჰაერო ოპერაცია ლეგიტიმურია, რადგან სირიის პრეზიდენტის ბაშარ ალ-ასადის ოფიციალური თხოვნის საფუძველზე დაიწყო.
"ავიაციას და სხვა საშუალებებს მხოლოდ ტერორისტული დაჯგუფებების წინააღმდეგ ვიყენებთ", - აღნიშნა პუტინმა.
რუსეთი სირიაში საჰაერო ოპერაციას 30 სექტემბრიდან ატარებს. მოსკოვში აცხადებენ, რომ სამხედრო-საჰაერო ძალების მთავარი სამიზნე - "ისლამური სახელმწიფოა", თუმცა დასავლეთში ეჭვობენ, რომ რუსეთი ოპერაციას პრეზიდენტ ბაშარ ალ-ასადის ოპონენტების წინააღმდეგ ატარებს.