ტერორისტული ორგანიზაცია „ისლამური სახელმწიფოს“ წარმომადგენლობამ ეგვიპტეში რუსული ავიალაინერის ჩამოგდებაზე პასუხისმგებლობა საკუთარ თავზე აიღო. ამის შესახებ სააგენტო „ფრანს პრესი“ იუწყება.
„ისლამური სახელმწიფოს“ მებრძოლებმა სინაის ნახევარკუნძულის თავზე რუსული თვითმფრინავი ჩამოაგდეს“, – ნათქვამია ორგანიზაციის განცხადებაში.
შეგახსენებთ, რომ ავიაკომპანია „კოგალიმავიას“ თვითმფრინავი A321, რომელიც შარმ-ელ-შეიხიდან სანქტ-პეტერბურგში მიფრინავდა, სინაის ნახევარკუნძულზე ჩამოვარდა. თვითმფრინავის ბორტზე 217 მგზავრი და ეკიპაჟის 7 წევრი იმყოფებოდა. ყველა მათგანი დაიღუპა.