- დასუფთავების ტარიფი, თბილისის მოსახლეობისთვის, ისევ სულადობით განისაზღვრება, რომელიც სავარაუდოდ 2 ლარი და 50 თეთრი იქნება. სულადობის მიხედვით გადასახადების დადგენის

ინიციატივით მერიამ დღეს თბილისის საკრებულოს მიმართა, თუმცა საუბარია იმაზეც, რომ თანხა შესაძლოა 3 ლარამდე გაიზარდოს. მერიის იურიდიული სამსახურის უფროსის, ირაკლი აბესაძის თქმით 57 000-მდე სარეიტინგო ქულის მქონე სოციალურად დაუცველი მოქალაქეებისათვის შეღავათი მხოლოდ 50 თეთრი იქნება, ანუ მათთვის ტარიფი 2 ლარით განისაზღვრება. დასუფთავების მოსაკრებელთან დაკავშირებით კენჭისყრა საკრებულოში 31 მაისს გაიმართება. დასუფთავებისა და ელექტრო ენერგიის მოსაკრებლის გამიჯვნის შესახებ კანონი ძალაში 1 ივნისიდან შედის.