მოსწავლეებმა 53 ტონა ქაღალდის ნარჩენი შეაგროვეს და კომპანიებს გადასცეს გადასამუშავებლად. პროექტი CENN, USAID ის ფინანსური თანადგომით საქართველოს სამ რეგიონში კახეთში, აჭარაში და შიდა ქართლში და თბილისში განხორციელდა . მისი მიზანი იყო მოსწავლეების ცნობიერების ამაღლება, ასევე ქვეყანაში ნარჩენების მართვის სექტორის მოდერნიზების ხელშეწყობა.

პროექტში 135 სკოლა მონაწილეობდა. შეგროვებული ქაღალდის ნარჩენი რაოდენობის მიხედვით, 7 გამარჯვებული სკოლა გამოვლინდა . და მათ წარმომადგენლებს განათლების, მეცნიერების, კულტურისა და სპორტის მინისტრის მოადგილემ, ირინა აბულაძემ, გარემოს დაცვის და სოფლის მეურნეობის მინისტრთან, ლევან დავითაშვილთან ერთად, მადლობა გადაუხადა წარმატებული მონაწილეობისთვის და სიგელები და სამახსოვრო საჩუქრები გადასცა.