მუშმალა – იაპონური ზღმარტლი, მარადმწვანე სუბტროპიკული ხე ან ბუჩქი ვარდისებრთა ოჯახისა. მცენარე 6-8, იშვიათად 9 მ სიმაღლემდე იზრდება. ნაყოფი მრგვალია (დიამეტრი — 3 სმ-მდე), ოვალური ან მსხლისებრი ფორმა აქვს, წვნიანია, მომჟავო-ტკბილი; ნარინჯისფერი ან ყვითელია. მოჰყავთ კავკასიაში შავი ზღვის სანაპიროსა და ყირიმის სამხრეთ რაიონებში, აგრეთვე შუა აზიის ზოგ რაიონებში. მცენარე ყვავილობს ნოემბერ-დეკემბერში, ნაყოფი მწიფდება მაის-ივნისში. თესლისაგან ამზადებენ ყავის სუროგატს. მუშმალა სუბტროპიკული დეკორატიული მცენარეა. მრავლდება თესლითა და მყნობით.

მუშმალას სამშობლოდ ჩინეთი და იაპონია ითვლება. მწიფდება მაისსა და ივნისში. ცენტრალურ აზიის ქვეყნებში ცნობილია, როგორც "ახალი სამყარო".

მუშმალა მდიდარია A, C და B ვიტამინებით. შეიცავს თითქმის იმდენივე C ვიტამინს, რამდენსაც ფორთოხალი. აქედან გამომდინარე, გაცივების დროს იმუნიტეტის გაძლიერებაში აუცილებლად დაგეხმარებათ!

ვიტამინებთან ერთად ნამდვილი ბოჭკოების და მინერალების საწყობია. რაც ეხმარება საჭმლის მონელების სისტემას, განსაკუთრებით რეკომენდებულია მათთვის, ვისაც ყაზბობა აწუხებს.

შეგიძლიათ მიირთვათ დიეტის დროს. არ უმატებს სისხლში შაქრის რაოდენობას და შიმშილობის გრძნობას გაკარგვინებთ. მოკლედ, რომ ვთქვათ დიეტური პროდუქტია.

მუშმალას გააჩნია ანტიოქსიდანტური მოქმედება, იცავს კანს ბაქტერიებისგან, ეხმარება უჯრედების განახლებას. ეფექტურია გულისრევის შეგრძნების დროს.

გემრიელად მიირთვით!