საბავშვო ბაღში აღმზრდელი ეხმარება ბიჭუნას ფეხსაცმლის ჩაცმაში...

დახმარება პატარამ თავად სთხოვა - საქმე მართლაც რთული იყო: ყელიანი "ბათინკები" ეცვა, ფეხი გაიჭედა და ვეღარც წინ მიდიოდა, ვეღარც უკან...

როცა აღმზრდელმა, დიდი წვალების შემდეგ, როგორც იქნა მეორე ბათინკიც ჩააცვა და შუბლზე ოფლი მოიწმინდა, პატარამ ისეთი რამ უთხრა, საწყალმა ქალმა ცრემლები ძლივს შეიკავა:

- არასწორად მაცვია!..

არადა მართალი იყო - მარჯვენა ფეხსაცმელი მარცხენაზე იყო ჩაცმული, მარცხენა კი - მარჯვენაზე...

"ბათინკების" გახდა ჩაცმაზე უარესი იყო...

აღმზრდელი თავს ძლივეს იკავებდა, როცა მარჯვენა ფეხსაცმელს ახლა უკვე მარჯვენა ფეხზე აცმევდა.

და უცბად ბიჭუნა აცხადებს:

- ეს ჩემი "ბათინკები" არ არის!

აღმზრდელმა სიმწრისგან ენაზე იკბინა, რათა ბავშვისთვის არ ეყვირა: "ადრე რატომ არ მითხარი???!!!" და ისევ შეუდგა, ძლივძლივობით, საშინელი ფეხსაცმელების გახდას. ბოლოს, როცა როგორც იქნა დაასრულა, ბავშვმა თქვა:

- ჩემი ძმის ბათინკებია. დაუპატარავდა და დედიკომ მე ჩამაცვა.

აღმზრდელს უკვე ვეღარ გაეგო ეცინა თუ ეტირა. უკანასკნელი ძალა და ნებისყოფა მოიკრიბა, ტანჯვა-წვალებით ისევ ჩააცვა ფეხსაცმელი და შეეკითხა:

- შენი ხელთათმანები სადღაა?

- ბათინკებში ჩავტენე...

P.S. სასამართლო პროცესი აღმზრდელის საქმეზე მომავალ კვირაში დაიწყება...

ასევე დაგაინტერესებთ:

1."დედიკო და მამიკო ცხენობანას თამაშობდნენ..." რა დაინახა ბავშვმა - ამბავი, რომელიც გაგახალისებთ

2. ერთსიტყვიანი წერილი, რომელმაც ინტერნეტი მოიცვა - რა უთხრეს ქალიშვილებმა დედას.

3. "ჩაი ხომ დალიე, ახლა მაჩვენე...უკანალი" - რა შეემთხვა სოფელში ახალგაზრდა მასწავლებელს

4. რა არ უნდა ვუთხრათ ბავშვებს? - ეს აუცილებლად გაითვალისწინეთ!

5. თანამედროვე დედის წერილი შვილს - აი, რა სჭირდებათ დღევანდელ ბავშვებს!

6. პირველკლასელის მოსწრებული პასუხები მასწავლებლის "ჩამჭრელ" შეკითხვებზე - სახალისო ამბავი