არჩევნებამდე სულ რაღაც რამდენიმე დღე რჩება და დაძაბულობაც მატულობს. განსაკუთრებით კი ორი პარტიის, "ნაციონალებისა" და "ოცნების" წევრებს შორის მიდის ხელჩართული თუ სოციალური ბრძოლა.

ნაციონალური მოძრაობის ზუგდიდის მაჟორიტარობის კანდიდატის, ყოფილი პირველი ლედის სანდრა რულოვსის სენაკში დაგეგმილი შეხვედრის დროს მას დაუპირისპირდა გარდაცვლილი ბუტა რობაქიძის დედა, ია მეტრეველი. მან სანდრა რულოვსის მიმართ მკაცრი განცხადებები გააკეთა და პასუხი მოსთხოვა მისი შვილის გარდაცვალების საქმესთან დაკავშირებით და ასევე ია მეტრეველმა განაცხადა, რომ მასაც ხელები სისხლში ჰქონდა გასვრილი და პოლიტიკური მოღვაწეობის უფლება არ ჰქონდა. სენაკში შეკრებილი ნაციონალური პარტიის ამომრჩეველმა ია მეტრეველს ტერიტორიის დატოვება მოსთხოვა "წადი, წადის" ძახილით.
ამ ფაქტს სოციალური ქსელით სასჯელაღსრულების პრობაციისა და იურიდიულ საკითხთა მინისტრის ყოფილი მრჩეველი ლალი მოროშკინა გამოეხმაურა და სოციალური ქსელით სანდრა რულოვსს მიმართა:

"რომელ სუფთა ხელებზე მელაპარაკები?
ფეხები არ გეწვის, ჭყონდიდელების და დადიანების ალაგს რომ ტკეპნი?
გული არ გეწვის, შენი ხელის ბიჭის აოხრებულ საქართველოს რომ უყურებ?
ტვინი არ გეწვის სპეც.სამსახურების ნასწავლ მეგრულს რომ იყენებ საცოდავი ხალხის გასაგიჟებლად?
ენა არ გეწვის, ამდენ ტყუილს რომ ანთხევ,
ქალობა არ გეწვის, შვილმკვდარ იას რომ ენას უბრუნებ!
თუმცა რა უნდა გეწვოდეს
რაც არ გაქვს?
შენ დღეს საქართველომ დაგწყევლა სანდრა!
ეს კი მერწმუნე, გამოცხადებულ ომზე უარესია!"