ლეგენდები იმის შესახებ, თუ რა შეიძლება იმალებოდეს ცივილიზაციის გამდინარე წყლებში, ასწლეულების მანძილზე აღელვებდა ადამიანებს. კანალიზაციის მილებსა თუ კოლექტორებში ნაპოვნი უცნაური ნივთები ცეცხლზე ნავთს ასხამს და კიდევ უფრო აინტრიგენს ამ ვერსიების მრავალფეროვნებას.

როგორც სტატისტიკა გვიჩვენებს, კანალიზაციაში შეიძლება უამრავი უცნაური ნივთის პოვნა, მათ შორის შეიძლება იყოს:

ოქრო

იაპონიის ქალაქ ნაგანოს კანალიზაციაში ნაპოვნი იქნა ოქრო, რომლის საერთო ღირებულება 47 ათას დოლარს აჭარბებდა. ერთ-ერთი ვერსიის მიხედვით, ძვირფასი ლითონი სიბინძურეში მოხვდა ფურცლოვანი ლითონის დამამზადებელი ქარხნების ნარჩენების არასრული ფილტრაციის გამო. ეს ქარხნები წარმოების პროცესში ოქროს იყენებენ.

ძვირფასი საათები

დიდი ბრიტანეთის ქალაქ ესეკსში დამლაგებელმა კანალიზაციის ჭაში აღმოაჩინა Omega, Franck Muller და Rolexes-ის საათები, რომელთა საერთო ღირებულება 70 ათას დოლარს უდრიდა.

ცხიმოვანი საცობი

გამდინარე წყლების მილები ძალიან ხშირად ბინძურდება ცხიმით და სხვა ამდაგვარი ნივთიერებებით. ასე, მაგალითად, ლონდონის კანალიზაცია გაჭედა 15 ტონიანმა ცხიმის საცობმა, რომელიც სიმაღლით ორმეტრიანი ავტობუსის ტოლი იყო.

ალიგატორი

2016 წელს ტეხასის ერთ-ერთი კანალიზაცია გაიჭედა. სანტექნიკოსებმა ძლივს იპოვეს ამის მიზეზი: ალიგატორი, რომელიც 136 კილოგრამს იწონიდა. სხვათა შორის, ნიუ-იორკშიც საკმაოდ ხშირია შემთხვევა, როცა კანალიზაციაში ნიანგებს პოულობენ.

ცხვარი

დიდ ბრიტანეთში, კერძოდ, სურექსის საკანალიზაციო სისტემაში მოსეირნე ცხვარი იპოვეს. ცხოველის დიდი წინააღმდეგობის მიუხედავად, ის იქედან ამოათრიეს.

ძროხა

ჩინეთში, ფუძიანის პროვინციაში, საკმაოდ ხშირად ხდება უცნაური ამბები. ერთხელ სოფელში ძროხა დაიკარგა. პატრონი მას ოთხი დღე ეძებდა; ბოლოს, მეხუთე დღეს, ერთ-ერთმა მეზობელმა კანალიზაციიდან უცნაური ხმები გაიგონა. სწორედ იქ იპოვეს დაკარგული ფური.

უცნაური ყბის ძვალი

რამოდენიმე წლის წინ ედმონტონში, კანადაში, ერთ-ერთ კანალიზაციის ჭაში იპოვეს უცნაური ყბის ძვალი. მეცნიერები დიდხანს სწავლობდნენ მას, მაგრამ ვერ გამოარკვიეს, თუ რა ცხოველს ეკუთვნოდა ეს ძვალი... შესაძლებელია, კანალიზაციაში მუტანტები ცხოვრობენ.

მარიხუანის პლანტაცია

მწეველების ჩვევამ, პოლიციის თვალის ასახვევად ჩაყარონ ტუალეტში მარიხუანის მარცვლები, გამოიწვია ამ მცენარის საკმაოდ დიდი პლანტაციების გაზრდა აშშ-ის კანალიზაციის სისტემაში. იქ შესანიშნავი გარემოა ამ მცენარის გასახარებლად: სითბო და ნესტი, აგრეთვე უამრავი ბუნებრივი სასუქი.

ავტომობილი

და ისევ ლონდონი, სადაც ერთხელ რაღაც საგანმა მთელი საკანალიზაციო სისტემა გაჭედა. როგორც აღმოჩნდა, ეს იყო მანქანის ნახევარი. მეტდ უცნაური და აუხსნელი ნაპოვნია, არ მეთანხმებით?

ხელყუმბარა

კვლავ ლონდონი: ერთ ერთ საკანალიზაციო სისტემაში ვინმე რობ სმიტმა ხელყუმბარა შენიშნა და მაშინათვე გამოიძახა პოლიცია. იყო ხელყუმბარა მოქმედი თუ არა-პოლიციამ ამაზე დუმილი ამჯობინა.

ფაქსი

შოტლანდიის ერთ-ერთ ქალაქში ვიღაცას ისე მოაბეზრა თავი ფაქსის აპარატმა, რომ ის კანალიზაციაში მოისროლა. ფაქსთან ახლოს იპოვეს აგრეთვე ჯინსები, პლუშის ვინი-პუჰი და ცოცხალი გველი.

ჭიების უზარმაზარი გუნდი

ჩრდილოეთ კაროლინის ერთ-ერთ საკანალიზაციო სისტემაში დაბრკოლება გაჩნდა. აღმოჩნდა, რომ საკანალიზაციო გვირაბი გაჭედილი იყო, ოღონდ არა ცხიმის გროვით, არამედ ჭიების უზარმაზარი გუნდით, რომლის საერთო წონა ორ ტონას აღემატებოდა.

დინოზავრის ძვლები

დინოზავრის ძვლებს, როგორც პრაქტიკა გვიჩვენებს, არამარტო პალეონტოლოგიურ მუზეუმში შეხვდებით. ასე, მაგალითად, დინოზავრის გაქვავებული ძვალი აღმოაჩინეს კანადაში, ტორონტოს კანალიზაციაში. მეცნიერებმა დაადგინეს, რომ ძვალი ჰიპაკროზავრს ეკუთვნის.

პლაცენტა

ყველა ქალმა კარგად იცის, რომ მშობიარობა უნდა მოხდეს სამშობიარო სახლში, ექიმების ზედამხედველობის ქვეშ, მაგრამ როგორც სხვადასხვა ქვეყნების კანალიზაციებში ნაპოვნი პლაცენტების რაოდენობა გვიჩვენებს, ქალების დიდ ნაწილი უპირატესობას ანიჭებს სახლში მშობიარობას, თანაც ჭიპლარის საკუთარი ხელით გადაჭრას.

ცოცხალი ახალშობილი

სიდნეიში, ავსტრალიაში, ველოსიპედისტებმა კანალიზაციაში ახალშობილი ბავშვი იპოვეს. უსულგულო დედამ ის უსირცხვილოდ ჩააგდო კანალიზაციაში. ჩვილი დახმარებას მთელი ხუთი დღე ელოდა. საბედნიეროდ, ბავშვი გადარჩა. პოლიციამ მალე იპოვა დამნაშავე და მას ბრალი წაუყენეს ბავშვის სიცოცხლის ხელყოფაში (სამწუხაროდ, უნდა ავღნიშნო, რომ ასეთი შეთხვევები არამარტო ავსტრალიაში, არამედ საკმაოდ ბევრ ქვეყანაში, მათ შორის საქართველოშიც ხდება).