ალბათ დაკვირვებიხართ, რომ საშუალო სკოლაში ბიჭებს გოგონებზე გაცილებით ცუდი მოსწრება აქვთ. პრონციპში ეს ერთგვარ სტერეოტიპადაც იქცა: ბიჭი ყოველთვის უფრო ზარმაცია და ცუდად სწავლობს, ვიდრე გოგო!

ჟურნალ Child Development-ის ცნობით, ბრიტანელმა მეცნიერებმა ამ მოცემულობის მიზეზის გასარკვევად ექსპერიმენტიც კი ჩაატარეს რომელშიც საბავშვო ბაღის აღსაზრდელები და დაწყებითი კლასების მოსწავლეები მონაწილეობდნენ. აღმოჩნდა, რომ სწავლასთან და მოსწრებასთან დაკავშირებული "ნეგატიური გენდერული სტერეოტიპები" ორივე სქესის ბავშვებს ადრეული ასაკიდანვე უყალიბდებათ.

კერძოდ მეცნიერებმა დაადგინეს, რომ უკვე ოთხი წლის ბავშვმა იცის, რომ "ბავშვი, რომელსაც სურს კარგად ისწავლოს და კარგი ნიშნები მიიღოს, არის გოგო, ხოლო ის, ვინც არც ისე კარგად სწავლობს -- ბიჭია". ამ სტერეოტიპების არსებობის გამოსავლენად ბავშვებს აღუწერდნენ მოსწავლეს, რომელიც კარგად ან ცუდად სწავლობდა, შემდეგ კი სთხოვდნენ ეჩვენებინათ ეს მოსწავლე სურათზე. უმეტესობა ცუდ მოსწავლედ სწორედ ბიჭს აღიქვამდა.

თუმცა, თუ ამ საკიტხს ცოტა უფრო მსუბუქად და იუმორით შევხედავთ, იქნებ აღმოვაჩინოთ უფრო სახალისო
მიზეზები", რომლებიც, შედარებით მაღალი კლასის ბიჭებს, უბრალოდ ხელს უშლით სწავლაში. აი, მაგალითად, თუ ქვემომოყვანილ ფოტოებს გადავხედავთ, ადვილად მივხვდებით, რამდენად ძნელი უნდა იყოს "საბრალო" ბიჭებისთვის გაკვეთილზე კონცენტრირება მსგავსი თანაკლასელებისა თუ მასწავლებლების არსებობის პირობებში...