"სამწუხაროდ, ტერაქტის გამო ადგილზე ოპერატორები ვერ მივიდნენ, მაგრამ, საბედნიეროდ, ქალბატონი გუგულის მესამე, კარგი გამოსვლის აუდიოვერსია შთამომავლობას შემორჩება. აფსუსი არ იქნებოდა, ჩვენს შვილთაშვილებს ეს "მეХანიზმს", ან "პიპLე" ვერ გაეგოთ? სულმოუთქმელად ველი მეოთხე, საუკეთესო სPიჩეს“ - წერს ფეისბუქის პირად გვერდზე ნაციონალური მოძრაობის წევრი, გივი თარგამაძე და ევროპარლამენტში უმრავლესობის დეპუტატის, გუგული მაღრაძის მესამე გამოსვლის აუდიოს ურთავს.

როგორც იცით, გასულ წელს სტრასბურგში, ევროსაბჭოს საპარლამენტო ასამბლეის სხდომაზეც ქ-ნი გუგული მაღრაძის გამოსვლას იგივე რეზონანსი მოჰყვა. მან საქართველოს ოკუპირებულ ტერიტორიებზე ადამიანის უფლებათა დაცვის უხეშად დარღვევის შესახებ ისაუბრა. თუმცა ქართული საზოგადოების ყურადღება არა მისი გამოსვლის შინაარსმა, არამედ ფორმამ მიიპყრო.

შეგახსენებთ, რომ 2014 წელს იგივე მდგომარეობაში ჩავარდა ქ-ნი ეკა ბესელია, რომლის გამოსვლა ევროსაბჭოს საპარლამენტი ასამბლეაზე განსაკუთრებული ქილიკის მიზეზი გახდა. "ჩვენ არ გვაქვს უფლება კანონზე მაღლა დავაყენოთ ვინმე - ან სააკაშვილი ან ახალაია" - ინგლისურად მიმართა დეპუტატმა ასამბლეას. თუმცა საქართველოში რეზონანსი არა ბესელიას ნათქვამის შინაარსს, არამედ მისი ინგლისურის გამოთქმას მოჰყვა.