ყოფილი ცოლ-ქმარი, გიორგი ვარდოსანიძე და სალომე ჭაჭუა დღემდე პოპულარობით სარგებლობენ. ერთმანეთი პროექტ ცეკვავენ ვარსკვლავების წყალობით გაიცვნეს. მაშინ ორივეს ჰქონდა პირადი ცხოვრება, სალომე მოცეკვავე გიგი გაჩეჩილაძეზე იყო შეყვარებული, გიორგი კი მსახიობ თამთა შალამბერიძეზე. ჭორები გიორგისა და სალომეს რომანზე მალევე გავრცელდა, მაგრამ წყვილი ყველაფერს უარყოფდა. სიმართლე დიდხანს არ დაიმალა, სულ რამდენიმე თვეში კი წყვილმა ჯვარიც დაიწერა და პატარა, მაგრამ ულამაზესი ქორწილიც გადაიხადა. ყველასაგან მოულოდნელად წყვილი დაშორდა. მიზეზებზე არ საუბრობენ.

გორგი ვარდოსანიძისთვის ოჯახის დანგრევა ძნელად გადასატანი აღმოჩნდა, ამის გამო დეპრესიაც კი დაემართა. "ის პერიოდი ძალიან ცუდად, მძიმედ გადავიტანე. ვისაც თავში ჭკუა აქვს, ოჯახის დანგრევას კარგად ვინ გადაიტანს? დარწმუნებული ვარ, მხოლოდ მე არ ვიყავი ცუდად და სალომეც ასე იყო. ახლა ყველაფერი ლაგდება. ეს ადამიანი სიცოცხლის ბოლომდე ჩემი ცხოვრების ის ნაწილი იქნება, რომელსაც ვერ ამოვშლი გულიდან"-გვიამბობდა გიორგი.

დაშორების შემდგომ, წყვილმა ურთიერთობა დაალაგა და შეძლებისდაგვარად მეგობრობენ კიდეც. "როცა შევხვდებით, ერთმანეთს ყოველთვის მოვიკითხავთ ხოლმე. არ გვაქვს ისეთი ურთიერთობა, რომ ერთმანეთი დავივიწყოთ და არც კი მივესალმოთ. რა სისულელეა. ჩვენს ურთიერთობას მეგობრობას ვერ დავარქმევ, რადგან რთულია, დიდი სიყვარულიდან ეგრევე მეგობრობაზე გადასვლა, მაგრამ კარგი ურთიერთობა ნამდვილად გვაქვს"-ამტკიცებს სალომე.