"მოსაწევის გამო არ იჭერენ კი არ ნიშნავს, რომ დღეიდან მასტერკებით ხელში სელფები გადაიღოთ! ჯერ ოფიციალურად არ არის დადგენილი. ამან თუ პირიქით იმუშავა, გადაიფიქრებენ. ამიტომ მადლობის მეტს ვერაფერს ვეტყვი, ვინც ამაში გვეხმარება, ამ კანონის გატანაში. თორემ 1000 ბნელი არსებობს, ვისაც მოწევა და მძიმე ნარკოტიკი ერთი და იგივე გონია.
პ.ს. დოკუმენტში მარიხუანას მავნებლობაზეა ნათქვამი, მაგრამ დღეს არ არსებობს არცერთი სამედიცინო დასკვნა, რომ მარიხუანა მავნებელია. ხომ ასეა, მადლობა!"

"მოწევა ტიპობა არ არის, ერთ-ერთი რელაქსაციის ფორმაა, როგორც მაგალითად ღვინის წრუპვა..."

-ასეთ სტატუსს აქვეყნებს მომღერალი სტეფანე მღებრიშვილი სოციალურ ქსელ "ფეისბუქზე" და განმარტებას აკეთებს იმათთვის, ვისაც მოსაწევის გამო არ დაჭერა უფრო სხვანაირად ესმით ...

ცივილიზებული სახელმწიფოები მარიხუანას მოხმარების გამო ადამიანების ციხეში ჩასმაზე უარს ამბობენ...

როგორც მოგეხსენებათ, პარლამენტში შეტანილია კანონპროექტი, რომელიც ითვალისწინებს იმას, რომ ადამიანებს აღარ დაიჭერენ და აღარ ჩასვამენ ციხეში მარიხუანას მოწევის და პირადი მოხმარებისთვის შენახვის გამო.

კანონპროექტს საქართველოს ხელისუფლებაში, პარლამენტში ჰყავს როგორც მოწინააღმდეგეები, ასევე მომხრეებიც.

როგორც ჩანს ხელისუფლება დათმობაზე წავიდა, თუმცა ჯერ ოფიციალურად არ არის დადგენილი.