x
image
natia.a
როგორ გავრცეხოთ სწორად "დუტის" ქურთუკი - ეს ბევრმა არ იცის!

image



სიცივეების დასწყებასთან ერთად ყველანი ვიწყებთ ზაფხულში საგულდაგულოდ შენახული თბილი ტანსაცმლის გამოღებას ან ახლის შეძენას. ბევრი ჩვენგანი სიცივეში ე.წ. "დუტის" ქურთუკებს ანიჭებს უპირატესობას, რადგან ეს ნამდვილად ძალიან თბილი, მოხერხებული და პრაქტიკული სამოსია.

ბევრმა ალბათ იცის, რომ სეზონის დასაწყისში, ჩაცმამდე, ისევე, როგორც სეზონის დასასრულს, აუცილებელია "დუტის" გარეცხვა და განიავება. ამის გაკეთება სარეცხ მანქანაშიც შეიძლება, მაგრამ გარკვეული პირობების დაცვით. ამიტომ, იმისათვის, რომ ჩვენი ქურთუკი არ დაზიანდეს და ეფექტურადაც გაირეცხოს, აუცილებელია ვიცოდეთ სარეცხ მანქანაში "დუტის" რეცხვის რამდენიმე წესი.

1. გარეცხვამდე შეკარით ელვა-შესაკრავი და ღილები. მოხსენით ბეწვის ელემენტები. გადააბრუნეთ ქურთუკი შიდა მხარეს.
image

2. სარეცხ მანქანაში მოათავსეთ მხოლოდ ერთი ქურთუკი და არაფერი სხვა.
image

3. გამოიყენეთ მხოლოდ დელიკატური რეცხვისთვის განკუთვნილი თხევადი სარეცხი საშუალება. ნუ გამოიყენებთ ფხვნილს!
image

4. აირჩიეთ ყველაზე დელიკატური რეცხვის რეჟიმი. რეცხეთ დაბალ ტემპერატურაზე, უმჯობესია 30 გრადუსზე. გაავლეთ მინიმუმ 3-ჯერ.

5. იმისათვის, რომ გარეცხვის შემდეგ დუტმა ფორმა არ დაკარგოს, სარეცხ მანქანაში რეცხვისას მასთან ერთად მოათავსეთ 3-4 ცალი ტენისის ბურთი. არსებობს ასევე სპეციალურად სარეცხისთვის განკუთვნილი ბურთები, ისეთი, როგორიც ფოტოზეა ნაჩვენები. თუმცა ტენისის ბურთიც კარგად მუშაობს, მხოლოდ აუცილებლად წინასწარ გარეცხილი უნდა იყოს.
image

6. გააშრეთ დუტი სუფთა ჰაერზე, არავითარ შემთხვევაში არ მოათავსოთ ცეცხლთან ან გათბობის მოწყობილობასთან! სანამ ბოლომდე გაშრება, დროდადრი გაფენილი დუტი გაფერთხეთ, რათა შიგთავსი გაასწოროთ.
image




1
40770
10-ს მოსწონს
1-ს არა
ავტორი:natia.a
natia.a
40770
  
2019, 26 ივლისი, 17:42
უნდა ჩაალბო ჭეჭყო ჭეჭყო და გაირეცხება რა დიდი ცოდნა მაგას უნდა
0 1 1