მან თითებზე შავი ხაზები დაიხატა და...უჩვეულო რაღაც აღმოაჩინა
2015, 21 სექტემბერი, 13:58
ამ უჩვეულო ექსპერიმენტის ავტორია ნიუ-იორკელი მხატვარი, ტიან-მინ ლაო (Tien-Min Liao), რომელმაც შეისწავლა დიდ და პატარა ლათინურ ასოებს შორის მიმართება და გასაოცარი შედეგი მიიღო.
ტიან მინ ლიაოს ტიპოგრაფიული ექსპერიმენტი მდგომარეობდა შემდეგში: თითებზე მუქი საღებავით უნდა დაეხატა ასოების სხვადასხვა ელემენტები და შეედგინა ჯერ დიდი, შემდეგ კი პატარა ასო. მთავარი შეზღუდვა ის იყო, რომ თითოეული ასოს წყვილისთვის (დიდი და პატარა ასო) თითები ერთნაირად უნდა ყოფილიყო შეღებილი. ზოგი ასოსთვის ერთი და იგივე ელემენტებით შესაძლო ხდებოდა არა მხოლოდ ნაბეჭდი დიდი და პატარა ასოების შედგენა, არამედ ხელნაწერი ვარიანტისაც.
"მუქი ხაზის წაშლა ან მიმატება ექსპერიმენტის დროს დაუშვებელი იყო. ერთადერთი გზა მაღალი რეგისტრის ასოდან დაბალი რეგისტრის ასოს (ან პირიქით) მისაღებად იყო ხელისა და თითების მდებარეობის შეცვლა."
ეს საკმაოდ რთული აღმოჩნდა, რადგან ლათინური დიდი და პატარა ასოები ერთმანეთისგან საკმაოდ განსხვავდება.
ამგვარი მეთოდით ტიანმა 26 წყვილი ასოს ტრანსფორმაცია ვიდეომასალაზე ასახა. შედეგი საკმაოდ უცნაური და ლამაზი გამოვიდა.
