სიკვდილი გარდაუვალია - ის ყველა ჩვენგანს ესტუმრება ადრე თუ გვიან, მაგრამ ადამიანებთან, რომლებზეც ქვემოთ ვისაუბრებთ, ის მეტად უცნაური გზით მოვიდა.

მაშ ასე, თქვენს წინაშეა სიკვდილის ათი ყველაზე უცნაური შემთხვევა ისტორიაში.

1. ჩვენს წელთაღრიცხვამდე 630 წელს საბერძნეთში ცხოვრობდა კანონმდებელი დრაკო, რომელიც ძალიან პოპულარული პიროვნება იყო....

დრაკო იმდენად პოპულარული იყო, რომ დაახრჩო საჩუქრების გროვამ, რომელიც მას თეატრში ყოფნისას ადგილობრივმა მცხოვრებლებმა მიართვეს.

2. დიაკონი, სახელად ლავრენტი რომაელი, ცოცხლად შეწვეს გრილზე ჩვენი წელათღრიცხვით 258 წელს.

დღეს ის საჭმლის მომზადების მფარველად ითვლება. დიახ, დიახ, ეს მართლაც ასეა და სულაც არაა ხუმრობა.

3. ედუარდ II პლანტაგენეტი - ინგლისის მეფე (1312-1327) მოკლული იქნა ცოლის იზაბელას და მისი საყვარლის როჯერ მორტიმერის მიერ 1327 წელს.

მოღალატეებმა ედუარდს მუცელში გაუყარეს ლითონის გავარვარებული წნელი, რომელმაც ცოცხლად შეწვა მეფის შინაგანი ორგანოები.

4. 1660 წელს შოტლანდიელი მწერალი ტომას არკუხარტი მოკვდა..სიცილით.

მასში ისტერიული სიცილი გამოიწვია იმ ფაქტმა, რომ კარლოს II მეფე გახდა.

5. ადოლფ ფრედერიკს შოტლანდიაში იცნობენ, როგორც მეფეს, რომელმაც თავისი თავი შეჭამა.

ის მოკვდა იმისაგან, რომ სადილობის დროს ძალიან ბევრი საჭმელი ჭამა.

6. 1926 წელს 16 წლის ავსტრალიელი ყმაწვილი, სახელად ფილიპ მაკკლინი, მოკლული იქნა კაზუარის მიერ.

ფილიპმა და მისმა მეგობარმა გართობის მიზნით გადაწყვიტეს კაზუარი ჩაქუჩით ეცემათ. გამწარებულმა ფრინველმა წააქცია ყმაწვილი და ბრჭყალით გაუჭრა მას საძილე არტერია კისერზე. უბედური ბიჭი სისხლისაგან დაიცალა.

7. ბრიტანელი მსახიობი გარეტ ჯონსი გარდაიცვალა იმ დროს, როცა ტელევიზიის პირდაპირი ეთერით გადაიცემოდა სპექტაკლ "მეტროს" პირველი ვერსია (1958 წელი).

მსახიობი კულისებში გარდაიცვალა გულის შეტევისაგან. აქ არაფერი იქნებოდა უცნაური, რომ არა ის ფაქტი, რომ გმირი, რომელსაც გარეტი თამაშობდა, რამოდენიმე წამში ზუსტად ამგვარი სიკვდილით უნდა გარდაცვლილიყო სცენაზე.

8. 1974 წელს ჯანსაღი კვების გულმხურვალე დამცველი ბეზილ ბრაუნი გარდაიცვალა მას შემდეგ, რაც ათი დღის განმავლობაში 40 ლიტრი სტაფილოს წვენი დალია.

ექიმებმა განაცხადეს, რომ ბრაუნი ვიტამინ A-ს გადაჭარბებული დოზით მიღების გამო გარდაიცვალა.

9. Electric Light Orchestra-ს ვიოლინჩელისტი მაიკლ ედვარდსი 2010 წელს საკუთარ მინდორზე დაიღუპა.

ედვარდსი გორაკიდან ჩამოცურებული თივის ზვინში მოყვა და უჰაერობისაგან გაიგუდა.

10. 2014 წელს ერთმა ბელორუსმა ახალგაზრდა კაცმა მოინდომა სელფის გადაღება წავთან.

როგორც ჩანს, წავს ეს პროცესი სულაც არ მოეწონა, მან ფეხზე უკბინა კაცს და არტერია დაუზიანა. სელფის უბედური მოყვარული სისხლისაგან დაიცალა.