როგორც საზოგადოებისთვის არის ცნობილი, რამდენიმე კვირის წინ პროდიუსერი კახა მამულაშვილი ნარკოდანაშაულისთვის დააკავეს.
მისი მეუღლე, ლელა წურწუმია ამ ფაქტის შემდეგ უმეტეს დროს ოჯახის წევრებთან ერთად ატარებს. მომღერალმა
ოჯახის წევრებთან ერთად გადაღებულ ფოტოები „ინსტაგრამზე“ გამოაქვეყნა.

შეგახსენებთ, რომ 2015 წლის ივლისში, აეროპორტში დააკავეს ცნობილი პროდიუსერი და მომღერალ ლელა წურწუმიას მეუღლე კახა მამულაშვილი, იგივე მამულიჩა. პირადი ჩხრეკის დროს მოქალქის ხელბარგიდან და პირადი საფულიდან ამოიღეს სხვადასხვა დასახელების ნარკოტიკული საშუალება. კერძოდ 6 გრამამდე კოკაინი, 1 მთელი 15 მეასედი გრამი კანაფის ფისი და „ექსტაზი“. შინაგან საქმეთა სამინისტროს ცნობითვე დაკავებულს ნარკოლოგიური შემოწმების შედეგად ნარკოტიკული საშუალება კოკაინის მოხმარების ფაქტიც დაუდგინდა.

მამულიჩამ ბრალი აღიარა და განაცხადა, რომ მზად არის გამოძიებასთან ითანამშრომლოს. თუმცა აღნიშნა, რომ მას პირადად არასოდეს შემოუტანია ნარკოტიკი.

აღკვეთის ღონისძიების სახით ბრალდებულს პატიმრობა შეეფარდა. საქმეზე წინასასამართლო სხდომა 9 სექტემბერს გაიმართება.