პარტია „თავისუფალი დემოკრატების“ თავმჯდომარის, საქართველოს ყოფილი თავდაცვის მინისტრის ირაკლი ალასანიას მეუღლე და ქართველი მწერლის გურამ ფანჯიკიძის უმცროსი ქალიშვილი ნათია ფანჯიკიძე ყოველთვის აქტიურობით გამოირჩევა სოციალურ ქსელში.

ამჟამად ნათიამ სოციალური ქსელით ერთი გოგონას ისტორია მოგვითხრო, რომელსაც ტუბერკულიოზი აღმოაჩნდა, იმკურნალა, თუმცა სკოლაში დაბრუნებისას სხვა ბავშვების მშობლები აბუნტდნენ, ჩვენი შვილების მის გვერდით ყოფნა სახიფათოაო.

"სკოლის მოსწავლე გოგოს ტუბერკულოზი აღმოაჩნდა, უმკურნალეს. სკოლაში რომ დაბრუნდა, მშობლებს შეეშინდათ და აბუნტდნენ, ჩვენი შვილების გვერდით მისი ყოფნა საფრთხეაო. ადამიანებს შორის ბავშვი დარჩა მარტო.
ეს ფოტო მისთვისაა გადაღებული და სხვების მშობლებისთვის,
ნუ გეშინიათ ადამიანებო, არაფერი არ დაგვემართება, რაც ჩვენთვის არ არის გამოწერილი და სიკვდილითაც მაინც მაშინ მოვკვდებით, როცა უნდა მოვკვდეთ, ამას ვერაფერი შეცვლის.
ნუ მივატოვებთ ერთმანეთს.
ტუბერკულოზი, დროზე მიგნებული, დროზე მოვლილი, იკურნება."