"ქართველო ვაჟკაცო"! რატომ უკლავ დედას შვილს და შვილს დედას? ვინ მოგცა შენ ამის უფლება! ძალადობით მოპოვებული სიყვარული რაში გარგია?!

ამ ბოლო დროს ძალიან გახშირდა ძალადობა ქალებზე. გაბოროტებული მამაკაცები ვერ ეგუებიან ყოფილი ცოლებისგან, თუ შეყვარებულისგან უარს და ისე კლავენ რომ ხელიც კი არ უკანკალდებათ.

გუშინ, ღამით კიდევ ერთი ლამაზი გოგონა გახდა ძალადობის მსხვერპლი. გავრცელებული ინფორმაციით, რუსთავში, 23 წლის გიორგი მჭედლიშვილმა, ეჭვიანობის ნიადაგზე თავის შეყვარებულს, 22 წლის გვანცა კილაძეს ბასრი დანით ყელი გამოჭრა. გარდაცვლილი გოგონა მეგობარმა აღმოაჩინა, რომელიც შოკურ მდგომარეობაში აღმოჩნდა და თბილისის პსიქიატრიულ საავადმყოფოში გადაიყვანეს. რაც შეეხება მკვლელს, იგი ქუჩაში იპოვა ხალხმა დასერილი, როგორც ჩანს ეს ჭრილობები მან თავის თავს თვითონ მიაყენა. მკვლელი სხეულზე მიყენებული ჭრილობებით რუსთავის ცენტრალურ საავადმყოფოში გადაიყვანეს.