საქართველოს ფეხბურთელთა ეროვნული ნაკრების შემტევი ნახევარმცველი ჯანო ანანიძე მოსკოვის “სპარტაკში” სრული დატვირთვით ვარჯიშობს და რუსეთის პრემიერლიგის 22-ე ტურში, 9 აპრილს სტუმრად ტულის “არსენალთან” გასამართი მატჩისთვის ემზადება.
მოსკოველთა მთავარმა მწვრთნელმა მურატ იაკინმა “სპარტაკის” ვებგვერდთან ინტერვიუში განაცხადა, რომ ჯანო ჯანმრთელია და სათამაშოდ მზადაა.
ანანიძეს მცირე ტრავმა ჰქონდა, რის გამოც ეროვნულ გუნდში მალტასთან ამხანაგური მატჩი და ევრო-2016-ის შესარჩევში გერმანიასთან შეხვედრა გამოტოვა. რუსეთის პრემიერლიგის გასულ ტურში კი, შინ “კრასნოდართან” (1:1) თამაშში 87-ე წუთიდან ჩართო.

ლაშა თაბაგარი

www.worldsport.ge