სილამაზე მსხვერპლს მოითხოვს - ეს საყოველთაოდ ცნობილი დებულება გასაგები გახდება, თუ გავიხსენებთ, თუ რა ხერხებს და ინსტრუმენტებს მიმართავდნენ კოსმეტოლოგები წინა საუკუნეებში. ამ პოსტში მინდა შემოგთავაზოთ მეოცე საუკუნეში გადაღებული 14 ფოტოსურათი სხვადასხვა კოსმეტიკური პროცედურებისათვის განკუთვნილი ხელსაწყო-ინსტრუმენტებისა, რომელთა შეხედვისას ძნელია დაიჯერო, რომ ისინი განკუთვნილია არა საწამებლად, არამედ ქალების სილამაზისათვის.

1.ჭორფლის გაყინვა

ეს სულაც არაა წამების სცენა საშინელებათა ჟანრის ფილმიდან, ოდესღაც ეს აპარატი გამოიყენებოდა ჭორფლის გასაყინად ნახშირმჟავა აირის დახმარებით. თვალები და ცხვირის ნესტორები ამ დროს იფარებოდა სპეციალური საცობებით, სუნთქვა კი შესაძლებელი იყო მხოლოდ პირში ჩადებული სპეციალური მილის საშუალებით.

2. გიგანტური თმის საშრობი

ზუსტად ასეთი გიგანტური თმის საშრობები გამოიყენებოდა სილამაზის სალონებში გასული საუკუნის 20-იან წლებში.

3. თმის დახვევა

ეს მოწყობილობა ჩვეულებრივი თმის სახვევია, რომელიც გერმანიაში გამოიყენებოდა გასული საუკუნის 20-იანი წლების ბოლოს, თუმცა ის უფრო მეტად ჰგავს შეშლილი მეცნიერის მიერ გამოგონებულ რაღაც შემზარავ მანქანას თავის ტვინზე ექსპერიმენტების ჩასატარებლად.

4. აპარატი მაკიაჟის კორექციისათვის

სილამაზის ინდუსტრიის ნოვატორმა და ლეგენდამ Max Factor-მა ეს საშინელი მოწყობილობა შექმნა მაკიაჟის სწრაფი კორექციისათვის.

5. გამთბობი ნიღაბი სახისათვის

1940 წელს შეიქმნა სახის ელექტრული ნიღაბი, რომელიც ათბობდა სახის კანს სისხლის მიმოქცევის გაძლიერების მიზნით და კანს აძლევდა უფრო ნორჩ და ჯანსაღ ელფერს. რა თქმა უნდა, ამ ნოვაციას უკუეფექტიც ჰქონდა-ბავშვებს საშინლად ეშინოდათ დედების, რომლებიც ამ ნიღაბს ატარებდნენ.

6. გასახდომი სავარძელი

გასახდომი სავარძლები ძალიან პოპულარული იყო 40-იან წლებში. თითოეულ სალონში წონასთან ბრძოლის თავისებურ მეთოდებს იყენებდნენ. ერთ-ერთი ასეთი მეთოდი იყო გასახდომი მანქანა, რომელიც წარმოადგენდა სპეციალურ სავარძელს, რომელიც ლითონის გორგოლაჭების დახმარებით მასაჟს უკეთებდა პაციენტს.

7. ჰელენა რუბინშტეინის ნიღბები

ჰელენა რუბინშტეინი სილამაზის სალონების ქსელს ფლობდა გერმანიაში, რის დახმარებითაც ის თანამედროვეობის ერთ ერთ უმდიდრეს ქალად იქცა. სწორედ მან შექმნა ეს უცნაური ნიღბები, რომლებიც კოსმეტოლოგიური პროცედურებისათვის გამოიყენებოდა.

8. მზისაგან დამცავი მოსასხამი

1940 -იანი წლების ბოლომდე მზისგან დამცავი კრემი არ არსებობდა და მზეზე და პლაჟზე ნებივრობის მოყვარულებს უხდებოდათ მზის მავნე გამოსხივებისაგან სხვადასხვა ხერხით დაეცვათ თავი. სწორედ ამ მიზნით გამოიყენებოდა ეს უცნაური მოსასხამი მასში ჩაკერებული მზის დამცავი სათვალით.

9. მანქანა-გორგონა

გასული საუკუნის 30-40-იან წლებში ძალიან იყო მოდაში მბრწყინავი დახვეული კულულები. ასეთი ვარცხნილობის გასაკეთებლად ქალები საათობით ისხდნენ ამ მანქანების ქვეშ. საინტერესოა ის ფაქტი, რომ კორეის და იაპონიის ბევრი სილამაზის სალონი დღესაც წარმატებით იყენებს ამ აპარატებს.

10. ნიღაბი ლიმონისაგან

გასული საუკუნის შუახანებში ბევრ კოსმეტოლოგიურ სალონში მეტად პოპულარული იყო ლიმონის ნიღაბი. მხოლოდ წლების შემდეგ გამოირკვა, რომ ეს ციტრუსი ძალიან ცუდად მოქმედებს სახის კანზე და უკუეფექტს იძლევა.

11. მოდური შლიაპა

ეს უცნაური ჰერმეტული აგრეგატი, რომელსაც პაციენტს საგულდაგულოდ ახურავდნენ თავზე, გამოიყენებოდა სახის კანისათვის ვარდისფერი ფერის მისაცემად, რასაც აღწევდნენ თავის გარშემო ატმოსფერული წნევის დაწევით.

12. ფერიმჭამელების და მუწუკების ამოსაყვანი ტუმბოები

ფერიმჭამელების ამოყვანა არასოდეს არ ყოფილა კარგი იდეა. 1930-იან წლებში გამოგონებული იქნა ეს მანქანა, რომელიც პირდაპირ იტუმბავდა მუწუკებს კანიდან, თუმცა მას ერთი უარყოფითი თვისებაც ჰქინდა: სატუმბი დაბოლოებები მინისაგან იყო დამზადებული და რთული იყო წნევის კონტროლი, ამას კი ხშირად ჯანსაღი კანის დაზიანება მოსდევდა.

13. სახის დასაჭიმი რეზინის ნიღბები

1920-იან წლებში გამოჩნდა სახის კანის დასაჭიმი პირველი რეზინის ნიღბები, რომლებიც განკუთვნილი იყო დეფექტების აღმოსაფხვრელად.

14. "ნაბახუსევის " ნიღაბი

Max Factor-მა გამოიგონა ეს ნიღაბი, რომელიც "შეიარაღებული" იყო უამრავი რეზინის კუბით. ამ კუბიკებს ავსებდნენ წყლით და ყინავდნენ, შემდეგ კი ნიღაბს იკეთებდნენ სახეზე და იჩერებდნენ ყინულის გადნობამდე.