სიახლე არავისთვის არ არის, რომ დღეს სტანდარტულ დესკტოპ კომპიუტერთან შედარებით, სულ უფრო მეტი მომხმარებელი ანიჭებს უპირატესობას ნოუთბუქებს. ცხადია, ამის მთავარი მიზეზი მათი კომპაქტურობაა. თუმცა ნოუთბუქს მის "უფროს" ნათესავზე მეტად სჭირდება მოვლა, რადგან პორტატულობა, მართალია, მის პრიორიტეტს წარმოადგენს, მაგრამ ამავე დროს, დაზიანების რისკზაც ზრდის.

გთავაზობთ 5 ძირითად რჩევას, რომელთა დაცვის შედეგად თქვენი ნოუთბუქი გაცილებით დიდხანს გემსახურებათ.

1. გქონდეთ ნოუთბუქი შედარებით გრილ ადგილას. უკიდურესმა სიცხემ შეიძლება დააზიანოს ეკრანი ან ელემენტი. გარდა ამისა, ცნობილია რომ სიცხეში მეტალი ფართოვდება, სიცივეში - პირიქით, რაც კომპიუტერის შიგნით არსებულ მეტალის კონსტრუქციებს საფრთხეს უქმნის.

2. აუცილებლად გამოიყენეთ შალითა ("ჩიხოლი"), ამით დაიცავთ ნოუთბუქს არასასურველი ფიზიკური ზემოქმედებისგან.

3. გქონდეთ ნოუთბუქი სუფთად, რადგან მტვერი და ჭუჭყი, რომელიც შიგნით ჯდება, ლეპტოპის მწყობრიდან გამოსვლის ერთ-ერთი მთავარი მიზეზი ხდება.

4. გააძლიერეთ თქვენი ნოუთბუქი ე.წ. SSD დისკით (Solid State Drive). ეს ერთი მხრივ მოუმატებს მუშაობის სისწრაფეს, მეორე მხრივ კი შეამცირებს სითბოს გამოყოფას.

5. შესძინეთ ახალი "სიცოცხლე" ძველ ნოუთბუქს. დროთა განმავლობაში ნოუთბუქი ძველდება და მისი მუშაობის სისწრაფე და ხარისხი იკლებს. მაგრამ თუ მაინც არ გემეტებათ ძველი "მეგობარი" გადასაგდებად და გსურთ გამოიყენოთ თუნდაც მარტივი სამუშაოებისთვის, შეგიძლიათ დააყენოთ მასზე Linux-ის გამარტივებული ოპერატიული სისტემა. როგორც წესი, Linux გაცილებით ნაკლებ რესურსს მოხმარს, ვიდრე Windows ან Mac-ი, რაც იმას ნიშნავს, რომ ნოუთბუქი უფრო სწრაფად იმუშავებს.