ბოლო პერიოდში უკვე რამდენიმე თვეა მეტროს სადგურებში მომრავლდნენ სასულიერო პირები, შესაწირი ყუთით ხელში, ზოგიერთი შემოსილია და მსურველებს ცხებს ზეთს, რამდენად სწორია ასეთი ქმედება?

მამა თეოდორე:შესაწირავი ყუთი რომ არ იდგეს დავიწყებდი ფიქრს რომ ეგება ადამიანი მისიონერობს, ზეთს ცხებს და ღვთის სიტყვას უქადაგებს, აი ეგ მესმის, განა იმიტომ რომ მუშაკი ღირსი არ არი სასყიდლის, ჩვენც ეკლესიაში ყუთები გვაქ და მღვდელი ცხოვრობს შესაწირავით მაგრამ როცა შენ რაღაც განსაკუთრებულ ქმედებას ჩადიხარ რომელიც სალოსობას უფრო გავს, რაღაც ღვაწლია და ღვაწლს ერთად ყუთი მოყვება მაშინ გაუგებარი ხდება.წმინდანი ალექსი შუშანია რომ სალოსობდა და უმძიმეს ავადმყოფებს რომ უვლიდა, ყუთით რომ ევლო ავადმყოფებთან წარმოიდგინეთ, იგივე ალქესი შუშანია ცხოვრობდა შეწირულობით აბა რაღაცას ხომ ჭამდა მაგრამ კიდევ ვიმეორებ, განსაკუთრებულ ღვაწლზე რომ მიდიხარ და იქ ყუთით მიხვალ უკვე უცნაურია, თუ ვინმე მისიონერული თვალსაზრისით დგას იქ, ზეთს ცხებს და ქადაგებს ღმერთმა გაუმარჯოს მაგრამ თუ ამას თან იქ ყულაბა ახლავს გვერდზე საქმე ძალიან საეჭვოდ არის.აღარ ვლაპარაკობ იმაზე რომ ძალიან ცუდი ხმებიც მოდის ხოლმე ამასთან დაკავშირებით და ერთ-ერთი მათგანი როგორც მე მაჩვენეს ინტერნეტში საერთოდ მღვდელიც არ არი, ბერიც არ არი, ის არი ჩვეულებრივი ერის ადამიანი, საეჭვო წარსულის და საეჭვო ყოფაქცევისაც, როგორც ამბობენ.