20 წლის ქართველი გარემარბი ირაკლი გოგინაშვილი მოლდოვის "საქსანში" გადავიდა. ეს გუნდი ქვეყნის ჩემპიონატში 3 ტურის შემდეგ, მესამე ადგილზეა. "საქსანს" წარსულში ცნობილი უკრაინელი ფეხბურთელი ვლადიმირ ლიუტი წვრთნის. გოგინაშვილმა გასული სეზონი რუსთავის "მეტალურგში" ჩაატარა და დებიუტანტის კვალობაზე საკმაოდ კარგ შთაბეჭდილებასაც ტოვებდა. ალექსანდრე ჩივაძემ ის 21-წლამდელთა ნაკრებშიც ათამაშა. ფეხბურთელის ტრანსფერზე ინფორმაცია "მსოფლიო სპორტს" აგენტმა დავით ყენიამ მიაწოდა: "გოგინაშვილზე დიდ იმედებს ამყარებს მოლდოვური კლუბი. მწვრთნელ ლიუტის დიდი გეგმები აქვს და არაა გამორიცხული, გაისად ირაკლი სხვა, უფრო ძლიერ გუნდში ვიხილოთ".
20 წლის ქართველი გარემარბი ირაკლი გოგინაშვილი მოლდოვის "საქსანში" გადავიდა. ეს გუნდი ქვეყნის ჩემპიონატში 3 ტურის შემდეგ, მესამე ადგილზეა. "საქსანს" წარსულში ცნობილი უკრაინელი ფეხბურთელი ვლადიმირ ლიუტი წვრთნის.
