ინგლისის საფეხბურთო ასოციაციამ იმ ფეხბურთელებს, რომლებიც მატჩის დროს გონებას დაკარგავენ, მოედანზე დაბრუნება აუკრძალა. ამის შესახებ ხსენებული ორგანიზაციის ოფიციალური ვებგვერდი იუწყება.
გარდა ამისა, ასეთ მდგომარეობაში აღმოჩენილი მოთამაშე, ტრავმის მიღების მომენტიდან მომავალი 6 დღის განმავლობაში ოფიციალურ შეხვედრებში ვერ ითამაშებს. თუ ფეხბურთელმა თამაშის მსვლელობისას თავის ქალის ტრავმა მიიღო, მოედანზე მისი დაბრუნების საკითხს არა სამწვრთნელო, არამედ, სამედიცინო შტაბი გადაწყვეტს.
გასულ სეზონში, ანდრე ვილაშ-ბოაშმა, რომელიც მაშინ ლონდონის “ტოტენჰემს” წვრთნიდა, მოედანზე მეკარე უგო ლიორისი დააბრუნა, რომელმაც მანამდე გონი დაკარგა. სწორედ, ამ ფაქტის მერე ინგლისის საფეხბურთო ასოციაცია ამ საკითხით სერიოზულად დაინტერესდა.

ლაშა თაბაგარი

www.worldsport.ge