ჰოლივუდის კაშკაშა ვარსკვლავმა, 38 წლის ანჯელინა ჯოლმა რეკორდი მოხსნა და მან 2013 წელს 33 მილიონი დოლარი გამოიმუშავა. ჯოლი გახდა გასული წლის ყველაზე მაღალანაზღაურებადი მსახიობი, რომელსაც თითქმის შვიდი მილიონით ჩამორჩა ასევე ჰოლივუდის ვარსკვლავი, 23 წლის ჯენიფერ ლოურენსი, რომელმაც 26 მილიონი დოლარი მიიღო.

მესამე ადგილზე 23 წლის კრისტენ სტიუარტი მოხვდა 21 მილიონით, რომელმაც სულ ცოტა ერთი მილიონი დოლარით აჯობა ჯენიფერ ანისტონს.

როგორც აღვნიშნეთ, 45 წლის ჯენიფერ ანისტონმა 20 მილიონი დოლარი გამოიმუშავა გასულ 2013 წელს.

შემდეგ მოდის 25 წლის ჰოლივუდის ვარსკვლავი ემა სტოუნი, რომელიც 16 მილიონის მფლობელია.

მეექვსე ადგილზე კი 38 წლის შარლიზ ტერონია თავისი 15 მილიონით.

მეშვიდე ადგილი წილად ხვდა 49 წლის სანდრა ბალოკს, რომელიც 14 მილიონს დაესაკუთრა გასულ წელს.

მეერვე ადგილზე 32 წლის მსახიობი ნატალი პორტმანი გახლავთ 14 მილიონით. მეცხრე ადგილზე 30 წლის მილა კუნისია 11 მილიონით.

მეათე ადგილი წილად ხვდა მსახიობს ჯულია რობერტს, რომელსაც წელს 46 წელი შეუსრულდა. მისი მილიონები გასულ წელს 11 მილიონი დოლარია, ისევე როგორც მილა კუნისისა.

ეს არის ტოპ ათეული - ჰოლივუდის ქალი მსახიობებისა, რომლებმაც გასულ 2013 წელს ყველაზე მაღალი ანაზღაურება მიიღეს.