მუსულმანური ჩადრით დაფარულმა ახალგაზრდა ქალმა ბავშვობის მეგობარი სახეზე მჟავის შესხმით საშინლად დაასახიჩრა. მერი კუნიამ ბოროტება მას შემდეგ ჩაიდო გულში, რაც მეგობარმა, ნაომი ონიმ საშინელებათა ფილმის მონსტრს შეადარა. ნაომის სამსახურთან დაუდარაჯდა. ის თეთრეულის მაღაზიაში მუშაობს და ღამით, გვიან, 11 საათის მერე უწევს სახლში დაბრუნება.

ორივე 21 წლისანი არიან. ნაომის კი იარები მთელი სიცოცხლის მანძილზე გაჰყვება. მან სახის სერიოზული დამწვრობები მიიღო. გასცვივდა თმის საფარის ნაწილი, წარბები და წამწამები. საჭიროებს სახის ზოგიერთ ადგილზე კანის გადანერგვასაც. მერი კუნია ლონდონში ცხოვრობს ის სტუდენტია. სწავლობს ბიზნესს და ფინანსებს. ის შავ ტანსაცმელში გამოწყობილი დადიოდა სასამართლოში და მშვიდად უგდებდა ყურს პროცესის მსვლელობას. ის დანაშაულის დამალვას ცდილობდა. თავდასხმიდან მეორე დღეს გადაეხვია ნაომის დედას და ცრუ ცრემლებით ტიროდა, საავადმყოფოში მყოფ მეგობარს კი მესიჯი გაუგზავნა: "არ შემიძლია ეს დავიჯერო".

გამოაშკარავდა, რომ მერი თავის თანაკურსელ მუსულმან გოგონებს ეკითხებოდა მისამართს, თუ სად შეიძლებოდა ჩადრის ყიდვა.
კუნიამ მეგობარსაც უთხრა, თუ როგორ უნდოდა ნაომი ვისმეს გაეუპატიურებინა და დაესახიჩრებინა. 20 წლის მეგობარმა მოსამართლეს მოუყვა რომ იცოდა რასაც აპირებდა მერი და მჟავაც ინტერნეტით გამოიწერა.

გოგონები სკოლიდან მეგობრობდნენ. ნაომი კარგად ვერ სწავლობდა და სკოლა მეექვსე კლასიდან მიატოვა. მერიმ კი გააგრძელა და სტუდენტიც გახდა. ნაომის ყოველთვის უხაროდა მერის ეს წარმატება. ისინი 2011 წელს წაიჩხუბნენ, როცა ნაომიმ მერის მის მეგობარ ვაჟთან მიმოწერაში დასდო ბრალი და "მახინჯი მონსტრი" უწოდა. მერე კი მერიმ ეს საშინელი ამბავი დაგეგმა.

(სურათზე მარჯვნივ-მერი კუნიაა.)

სასამართლო პროცესი მარტის დასაწყისში განახლდება.