აეროპორტში, სატვირთო განყოფილებაში 5 თვის ბავშვი გაჭყლიტეს. აეროპორტის ადმინისტრაცია მომხდარში მშობლებს ადანაშაულებს.

პატარას დედა ნატანია ტერი.

ვაშტი ტერის სიკვდილში მთავრობა მის 32 წლის დედას ნატანია ტერის(ის პროფესიით ბუღალტერია) და მის ქმარს, პატრიკ ტერის ადანაშაულებს. პატარა ბარგის გადასაზიდ მანქანაში მოჰყვა და გაიჭყლიტა. მისი გადარჩენა ვერ მოხერხდა. შემთხვევა 19 სექტემბერს მოხდა. მთავრობის განცხადებაში ნათქვამია, რომ მანქანა არ შეიძლება იყოს დამნაშავე, ის გამართულად მუშაობდა და ექვემდებარებოდა ყველა ნორმებს. ის კარუსელივით ტრიალებდა და ბარგი გადაჰქონდა. ეს უბრალოდ უბედური შემთხვევა იყო. არ შეიძლება ბრალი დავდოთ დანადგარს, ან გამვლელ ადამიანებს, ბავშვის უსაფრთხოებაზე პასუხი მისმა მშობლებმა უნდა აგონ.

ნატანია ტერი ის ის იყო ჩამოფრინდა ლონდონიდან ორი ბავშვით ესპანეთის აეროპორტში, მისი ქმარი კი კანადიდან. ნატანიას თან უფროსი ვაჟიც ახლდა. პოლიციის თქმით ბავშვი ტრავმებისგან დაიღუპა, როცა მისმა დედამ, რომელსაც ხელში ბავშვი ეჭირა ავიდა კარუსელზე საბავშვო ეტლის მისაღებად და ამ დროს პატარა ხელიდან გაუვარდა. მისმა კივილმა ალიკანტეს აეროპორტის შენობა შეძრა. ყველაფერი წამებში მოხდა. ბავშვი ხაფანგში მოხვდა, სადაც ორი სარტყელი ერთმანეთს უერთდება და თავის ქალა გაეჭყლიტა. აეროპორტის ადმინისტრაცია აცხადებს, რომ ნაპრალი, რომელიც ორ სარტყელს შორის რჩება, შეესაბამება სტანდარტს. ბავშვი ადგილზევე გარდაიცვალა.

უნდა აღინიშნოს, რომ ალიკანტეს აეროპორტი ერთ-ერთი საუკეთესოა ესპანეთში. იქ ზაფხულში დასასვენებლად მრავალი ტურისტი ჩადის.