ძალიან საინტერესო და გემრიელი ტორტია, სახლის პირობებში მომზადებული ფორთოხლის კარამელით და ნაზი ნაღების კრემით.

ინგრედიენტები ბისკვიტისთვის:

–2 ფორთოხლის ცედრა( ქერქი)

–შაქარი–400გრ

–1ჭ.–არაჟანი ან კეფირი

–1ჩ.კ–სოდა

–3 კვერცხი

–ცოტა მარილი

–1/2ჭ.–კაკალი

–ფქვილი–650გრ

ინგრედიენტები კრემისთვის:

–სქელი ნაღები ან არაჟანი–500გრ.

– მურაბის სიროფი(არომატული გემოსი, მაგ.მარწყვის)

–მოხარშული შესქელებული რძე–1/2ქილა

მ ო მ ზ ა დ ე ბ ა:

ფორთოხლის ქერქი ჩავალბოთ ცივ წყალში 3 დღე და დროდადრო გამოვუცვალოთ რომ სიმწარე დაეკარგოს.შემდეგ გადავატაროთ ხორცსაკეპ მანქანაში, დავუმატოთ შაქარი და 5 სუფრის კოვზი წყალი და ვადუღოთ ფერის გამუქებამდე.შემდეგ გავაგრილოთ, დავუმატოთ არაჟანი ან კეფირი და მოვურიოთ, დავუმატოთ სოდა მარილი, კვერცხი, ფქვილი, დაჭრილი კაკალი.გამოვაცხოთ ასეთი 2 ფენა და თითოეული გავჭრათ შუაზე და დავნამოთ მურაბის სიროფით.

კრემი:ავთქვიფოთ ნაღები ან არაჟანი მოხარშულ შედედებულ რძესთან ერთად.

თითოეულ ფენას წავუსვათ კრემი, ზემოდან კი მოვრთოდ ჩვენი სურვილით.(ხილით, შოკოლადით ან კაკლით)

გავაცივოთ რამდენიმე საათი მაცივარში და შემდეგ...

მიირთვით გემრიელად!

თქვენი მაშა