ეს პეროგი ძალიან მარტივი გასაკეთებელია ჩემო ძვირფასო დიასახლისებო, მაგრამ ამავდროულად უგემრიელესი.ძალიან ნასიამოვნები დაგრჩებათ ბავშვები და საპნის ბუშტივით თვალსა და ხელს შორის გაქრება.აბა მაშ ამდენ ქებას ჯობია პირდაპირ დავიწყოთ ამ მომზადება.ამისთვის კი დაგვჭირდება შემდეგი

ინგრედიენტები:

●2კვერცხი

●1ჭ.შაქარი

● 0, 5ჩ.კ სოდა ან 1, 5ჩ.კ გამაფხვიერებელი.

● 200გრ არაჟანი(20%-იანი)

● 100გრ.მარგარინი ან კარაქი

● 1შეკვრა ვანილი

● 1, 5 ჭიქა ფქვილი(ჭიქა–240მგ-იანი)

● 350 გრამი ალუბლის კომპოტის უკურკო მარცვლები ან 300- 400 გრ.გაყინული ალუბალი.

მ ო მ ზ ა დ ე ბ ა:

პირველ რიგში დავყაროთ თუშფალანგზე კომპოტიდან ამოღებული ალუბლის მარცვლები, რომ წვენისგან დაიწუროს, შემდეგ კი ამოვავლოთ სახამებელში ან პურისფქვილში.თუ გაყინული ალუბალი გვაქვს, ჯერ გავადნოთ და შემდეგ ამოვავლოთ სახამებელში.

ცხვება 20-25 სმ.დიამეტრის ზომის კექსის ფორმაში.

ცომის მომზადება:

1.გააადნეთ კარაქი ან მარგარინი.

2.თასზე მსუბუქად ათქვიფეთ შაქარი და კვერცხი.

3.თასზე დაამატეთ გამდნარი კარაქი, ვანილი, სოდა ან გამაფხვიერებელი, არაჟანი და ფქვილი, ურიეთ ნაზად რომ ცომი არ დავარდეს და გამოვიდეს ერთიანი მასა–არაჟნის სისქის.

4.ცხიმწასმულ ფორმაში ჩაასხით მიღებული ცომი.მოაყარეთ ალუბალი და კოვზით ჩაუშვით კარგად ცომში, რომ არ ჩანდეს.

5.გამოაცხვეთ წინასწარ გახურებულ ღუმელში 180 გრადუს ტემპერატურაზე 35-40 წუთის განმავლობაში.ეს თქვენს ღუმელზეა დამოკიდებული.შეამოწმეთ ხის ჩხირით, თუ მშრალი იქნება–უკვე გამომცხვარია.

ალუბალი თუ გაყინულია, გამოცხობისას ზომაში იმატებს.

6.როცა გაცივდება, მოაყარეთ შაქრის პუდრა.შემდეგ კი დაჭერით და...

მიირთვით გემრიელად !

თქვენი მაშა