ჩემო ძვირფასო დიასახლისებო, დღეს შემოგთავაზებთ საოცრად გემრიელი მაფინების რეცეპტს, რომლის მომზადება საკმაოდ მარტივია, თუ თვალს მიადევნებთ ყურადღებით ჩემს მიერ მოწოდებულ რეცეპტს.თვალსაჩინოებისთვის თან ერთვის მომზადების ტექნოლოგიის ამსახველი ფოტოებიც.მაშ ასე, პირველ რიგში მოვამზადოთ საჭირო

ი ნ გ რ ე დ ი ე ნ ტ ე ბ ი:

–პ/ფქვილი–1/2 ჭიქა.

–ბანანი–2 პატარა ან 1 დიდი ზომის.

–ლერწმის შაქარი(ყავისფერი)–2ს.კ

–თეთრი შაქარი–2ს.კ

–კვერცხი–1ცალი.

–კარაქი–50გრ.

–გამაფხვიერებელი–1ჩ.კ.

–რძიანი ან მუქი შოკოლადის ფილა.

ამ ინგრედიენტებით გამოდის 9 ცალი კექსიჩკა.თუ მეტი გვინდა გავაკეთოთ, გავაორმაგოთ ინგრედიენტების რაოდენობა.

მომზადების წესი:

1)კარაქი ცოტახნით შევდგათ მიკროვალნოვკაში რომ შერბილდეს და დავაყაროთ ორივე სახის შაქარი და გავაფხვიეროთ.

თუ არა გვაქვს ლერწმის შაქარი მაშინ ჩვეულებრივი გამოვიყენოთ, უბრალოდ ლერწმის შაქარს ძალიან კარგი სურნელი აქვს.

2)კვერცხიც ამავე ჯამზე დავამატოთ და მოვურიოთ კარგად.გაცრილი ფქვილიც გამაფხვიერებელთან ერთად და კარგად ავურიოთ ყველაფერი.

3)გავფრცქვნათ ბანანი და ცალკე თეფშზე ავთქვიფოთ ჩანგლით ან ბლენდერში დავამუშაოდ

და მიღებული მასა შევურიოთ ცომიან მასას, თუკი თხელი გამოვა, ცოტა ფქვილი დავამატოთ.

4)ფორმაში წავუსვათ ცხიმი და ჩავდოთ მიღებული ცომი.გამოვაცხოთ 200*С–ზე დაახლოებით ნახევარი საათის განმავლობაში.

გამომცხვარს ასეთი სახე ექნება

5)დავამტვრიოთ შოკოლადის ფილა და შევდგათ მიკროვალნოვკაში გასადნობათ ან ორთქლის აბაზანაზე გავადნოთ.

6)როცა გადნება შეგრილებულ მაფინებს გადაუსვათ შოკოლადი ფუნჯით, ან როგორც მოახერხებთ და საბოლოოდ ასეთი სახე ექნება:

გააკეთეთ გემრიელი მაფინები და მიირთვით ჩაისთან და ყავასთან ერთად!

წარმატებებს გისურვებთ კულინარულ შემოქმედებაში!

მრავალს შობა–ახალ წელს დაესწარით!

თქვენი მაშა