27 წლის ახალგაზრდა ქალი, ოთხი შვილის დედა გუშინ საღამოს საავადმყოფოში გარდაიცვალა. ემა ბენეტი მეხუთე ბავშვზე იყო ორსულად. ის ორშაბათს მიიყვანეს საავადმყოფოში საშინლად დაკბენილი კისრისა და ყელის არეში.

დღეს კი 33 წლის მამაკაცი, მისი მეგობარი("ბოიფრენდი") დაიჭირეს. მას ბრალად ედება ორი ამერიკული ჯიშის ძაღლის - პიდბულის ყოლა. ამ ძაღლების ყოლა ინგლისში აკრძალულია.

სიკვდილის მერე მისმა "ბოიფრენდმა" ლი ხორნერმა ფეისბუქის გვერდზე გამოაქვეყნა წერილი, სადაც წერს, რომ ძალიან უყვარს ის და არ დაივიწყებს, რომ იმ ქვეყნად ოდესმე კვლავ შეხვდებიან ერთმანეთს.

გამომძიებელი სიმონ ბელდონი გვიამბობს: წინასწარი მონაცემებით ორი ამერიკული ჯიშის ძაღლი-პიდბული აყვანილი იქნა შემთხვევის ადგილიდან.

ქალბატონი ბენეტი ეპილეფსიით იყო ავად. საეჭვოა, რომ ზუსტად მაშინ დაემართა შეტევა, დაეცა და ძაღლებიც მისცვივდნენ. მეზობლებმა გაიგეს მისი ყვირილი. ის შველას ითხოვდა. მათ მაშინვე დარეკეს სასწრაფო დახმარებაში. ემა მალევე წაიყვანეს საავადმყოფოში. ერთი ძაღლი სახლში დაიჭირეს, მეორე კი ქუჩაში დარბოდა და სანამ მანქანებით არ გადაკეტეს შესახვევი, მისი აყვანა ვერ მოხერხდა. მის დაჭერაში 15 პოლიციელი მონაწილეობდა.

არმოჩნდა, რომ ქალბატონ ბენეტს მათი გაყიდვა სდომებია ფეისბუქით 100$-ად, მათი ავი ხასიათის გამო.

მეზობელი გვიყვება, რომ რამდენიმე კვირის წინაც იყვნენ ძაღლები გაავებულნი. ემას ეპილეფსია ემართებოდა. ძაღლებს კი ეს არ მოსწონდათ და უტევდნენ.

ძაღლები ჯერ კიდევ ცოცხლები არიან და პოლიციის ზედამხედველობის ქვეშ იმყოფებიან.