მართალია, თანამედროვე სამყაროში ცრურწმენების ნაკლებად თუ სჯერა ვინმეს, მაგრამ მათ საკმაოდ დიდი როლი მიუძღვით ქვეყნის კულტურისა და საზოგადოების ფორმირებაში. არავინ იცის ზუსტად რას უკავშირდება მათი წარმომავლობა, ლეგენდებს, ზღაპრებსა თუ უბრალოდ ადამიანების შესაშინებლად გამოგონილ ამბებს. ქვემოთ წარმოგიდგენთ რამდენიმე ცრურწმენას, რომლებიც თითქმის ყველგან არის ცნობილი.


1. ხელისგულის ქავილი: ამბობენ, რომ მარცხენა ხელისგულის ქავილმა ფულის გასვლა იცის, მარჯვენამ კი - შემოსვლა.

2. ოთხფურცელა სამყურა ზოგადად წარმატებასთან ასოცირდება. განსაკუთრებით საინტერესოა ცრურწმენა იმის შესახებ, რომ თუ მარტოხელა ადამიანი ამგვარ მცენარეს იპოვის, მალე ბედი გაეხსნება და დაოჯახდება. ცრურწმენის მიხედვით, ოთხფურცლა სამყურის პოვნის შემთხვევაში დასაოჯახებელმა ადამიანმა იგი უნდა შეჭამოს. ამის შემდეგ, პირველივე ადამიანი, რომელსაც გამოელეპარაკება, იქნება მისი მომავალი მეუღლე.

3. ბევრისთვის დაცემინების შემთხვევაში ადამიანის დალოცვა ("ჯანმრთელობა", "სიცოცხლე" და ა.შ) ზრდილობის ფორმაა
(თუმცა სინამდვილეში ეს პირიქით არის!). მაგრამ ამ ტრადიციას საფუძვლად უდევს უძველესი რწმენა იმის შესახებ, რომ დაცემინებისას ადამიანის სული წამიერად ტოვებს
სხეულს, შემდეგ კი უბრუნდება მას. ამიტომ სულის ამგვარ დაბრუნებას ხვდებოდნენ დალოცვით.

4. ცნობილი ცრურწმენის მიხედვით, როდესაც რაიმე სასიამოვნოზე წინასწარ საუბრობენ, მაშინვე ხეზე აკაკუნებენ. ძველად მიიჩნევდნენ,
რომ ხეში კეთილი სულები ცხოვრობენ. ამიტომ ხეზე დაკაკუნებით მათ სთხოვენ მფარველობას და შემწეობას, რათა სასურველი ამბავი ახდეს.

5. ცოცხის შესახებ ბევრი ცრურწმენა არსებობს. განსაკუთრებით საინტერეოსა ის, რომ ახალი ცოცხით პირველად ნაგავი არ უნდა დაგავო. აუცილებელია ჯერ სხვა რაიმე გაატანო ცოცხს (ბრინჯი, კანფეტები და სხვ.), წინააღმდეგ შემთხვევაში ამით წარმატებას თავიდან მოიშორებ.

6. მოწყვეტილი ვარსკვლავის დანახვაზე სურვილის ჩაფიქრების ტრადიცია მომდინარეობს ძველი ბერძნებისგან, რომლებსაც მიაჩნდათ, რომ ესენი იყო დაცემული ადამიანების სულები. ძველ ევროპელებს ასევე მიაჩნდათ, რომ ამ დროს ცაზე ღმერთები მოძრაობდნენ, რათა დედამიწაზე გადმოეხედათ, და ადამიანების სურვილები აესრულებინათ.

7. 13-ს დღესაც ბევრი მიიჩნევს წარუმატებელ, თარს რიცხვად. ეს ცრურწმენა იმდენად რეალურია, რომ ბევრი დღესაც თავს არიდებს 13 რიცხვში რაიმე საქმის წამოწყებას.

8.თითების გადაჯვარედინების შესახებ ცრურწმენა ქრისტიანული რელიგიიდან მომდინარეობს. ამ ჟესტს იყენებენ, როდესაც ტყუილს ამბობენ. თითებს კი ამ დროს გადააჯვარედინებენ, თითქოს ჯვარი დაიფარავთ ტყუილის თქმით ჩადენილი ცოდვისთვის ჯოჯოხეთში მოხვედრისგან.

9. პოპულარული ცრურწმენის მიხედვით, შავი კატა გზას თუ გადაგიკვეთავს, უიღბლო დღე გექნება. ეს ცრურწმენა სათავეს იღებს შუა საუკუნეებში გავრცელებული რწმენიდან, რომლის მიხედვით, გაუთხოვარი ქალები, რომლებსაც, როგორც წესი სახლში კატები ყავდათ, ჯადოქრები იყვნენ და თავად იქცეოდნენ ამ კატებად. ამდენად, კატა გაიგივებულია ავ ჯადოქართან.

10. არსებობს ცრურწმენა იმის შესახებ, რომ ჩიტის "სკინტს" ფული მოაქვს. ასე რომ, თუ სახლიდან გამოსვლისას თქვენი მანქანა ამ "სიკეთით" მთლიანად დასვრილი დაგხვდათ, გიხაროდეთ!





11.ბევრს სჯერა, რომ ნალი წარმატების მომტანია და ამისთვის სახლის ან საძინებლის კარზე უნდა დაკიდო.