ესტონეთის ნაკრების მთავარ მწვრთნელად 37 წლის მაგნუს პერსონი დაინიშნა. შვედმა სპეციალისტმა თანამდებობიდან ორი კვირის წინ წასული ტარმო რუუტლი შეცვალა. პერსონი ბოლოს “იურგორდენს” წვრთნიდა და ამ გუნდთან კონტრაქტი წლეულს აპრილში გაწყვიტა. მისი მთავარი მიღწევა კი დანიურ “ოლბორგს” უკავშირდება, რომელიც 2008-2009 წლების სეზონში უეფას თასის მერვედფინალში გაიყვანა.
“მე უკვე ევროპის 2016 წლის ჩემპიონატის ფინალურ ეტაპზე ვფიქრობ, მაგრამ ესტონელ გულშემატკივრებს ჯერ ვერაფერს დავპირდები. ხმამაღალი განცხადებებისგან თავს შევიკავებ. თუ გუნდი თამაშის ხარისხს გამოასწორებს, შესარჩევი ეტაპის დაძლევა სრულიად შესაძლებელი იქნება” – უთხრა მაგნუს პერსონმა ესტონელ ჟურნალისტებს.
კონტრაქტის თანახმად, შვედმა მწვრთნელმა ესტონეთში ორი წელი უნდა იმუშაოს.

ოთარ მაღლაკელიძე

www.worldsport.ge