ეს იყო დედამიწაზე ყველაზე ძლიერი შტორმი. ქარის სიჩქარემ შეადგინა 147 მილი საათში. დაიღუპა 100-ზე მეტი ადამიანი, მილიონზე მეტმა ადამიანმა მიატოვა სახლ-კარი და გაიქცა. ეს ყველაფერი კი გუშინ ფილიპინებზე მოხდა. საწყალმა ხალხმა ძლივს ამოისუნთქა შარშანდელი საშინელი მიწისძვრის შემდეგ და ისევ ახალი სტიქია დაატყდათ თავს. მე-5 კატეგორიის სუპერ-ტაიფუნი, სახელად "ზღვის ფრინველი" შეეჯახა ფილიპინების აღმოსავლეთ კუნძულებს დაახლოებით 150 მილი სთ-ში სიჩქარით. სახლებს სახურავები გადახადა, უშველებელმა ტალღებმა ჩარეცხა სანაპირო ზოლთან ყველაფერი რაც კი იყო, აღარ არსებობს ელექტროგაყვანილობა, ხეები ფესვებიანად დაგლიჯა.

პოპულარული ტურისტული რეგიონის სებუს გუბერნატორის თქმით მდგომარეობა საგანგაშოა, გადაუღებელი თავსხმა წვიმა არ ჩედება დღისა და ღამის განმავლობაში. ლოცვის მეტი აღარაფერი დაგვრჩენია... გაფიქრებაც არ გვინდა რაც შეიძლება მოხდეს, - მოსალოდნელია ხალხის და საქონლის დაღუპვა. აქ უკვე 4 ადამიანია მკვდარი სამს დენმა დაარტყა, ხოლო ერთს მეხი დაეცა. ხელისუფლება იუწყება, რომ 12 მილიონი ადამიანი საფრთხის ქვეშაა. 125 ათასი უკვე ევაკუირებულია სხვადასხვა სოფლებში. ქარიშხალმა ყველაზე მეტად დააზარალა შარშანდელი მიწისძვრის შემდეგ კარვებში მცხოვრები ერთხელ უკვე უსახლკაროდ დარჩენილი მოსახლეობა.

ელოდებიან მსხვერპლის ზრდას იმ რეგიონებიდან, საიდანაც კავშირი შეწყვეტილია.

ამ დროისთვის სულ ევაკუირებულია 800 000 ადამიანი. გთავაზობთ შემზარავ სურათებს, რომელზეც გამოსახულ ხალხს სახეზე აწერია: "გაასწარი თუ შეგიძლია".