პოლიციის ყურადღება(რომლებიც ციგანთა ბანაკში ნარკოტიკებს და იარაღს ეძებდნენ) ქერა გოგონამ მიიპყრო, რომელიც შავგვრემან ბავშვებთან ერთად თამაშობდა.

ამ საოცარმა აღმოჩენამ კიდევ ერთხელ ჩაუსახა იმედი დაკარგული მედიმაკკაანის მშობლებს. ისინი უკვე რამდენი წელია თავის პატარას ეძებენ. მშობლებს იმედი გაუჩნდათ, რომ მათი ქალიშვილი ცოცხალია. მედის მშობლების პრესმდივანი აცხადებს, რომ ყოველი ახალი ასეთი ბავშვის აღმოჩენისას მტკიცედ გვჯერა, რომ ჩვენი გოგონაც გამოჩნდება.

პატარა ცისფერთვალა ქერა გოგონა პოლიციამ საბერძნეთში ციგანთა ბანაკის მასობრივი შემოწმებისას იპოვა. არსებობს ვერსია, რომ ეს პატარა შეიძლება იყოს მოპარული, რადგან პორტუგალიაში ექვსი წლის წინ შვებულების დროს დამსვენებლებს ხშირად ეკარგებოდათ ბავშვები.

პოლიციამ მთელ საბერძნეთში ციგანთა ბანაკებში დაიწყო ქერა ბავშვების შემოწმება და ათზე მეტი უკვე აღმოაჩინა. არ არის გამორიცხული, რომ საქმე ეხებოდეს ადამიანებით ვაჭრობას.

რაც შეეხება მარიას, ის ცხოვრობდა წყვილთან(39 წლის მამაკაცი და 40 წლის ქალი), რომელთანაც არ ჰქონდა არანაირი მაგავსება. ისინი პასუხს აგებენ არასრულწლოვანის მოტაცებისთვის. ერთი მათგანი ამტკიცებს, რომ პატარა შალში გახვეული იპოვეს, ხოლო მეორე ამბობს, რომ უცხოებმა გადასცეს.

ბავშვის სახის ნაკვთებით დაასკვნეს, რომ ის უნდა იყოს ჩრდილო-ევროპული ქვეყნებიდან. გოგონას ჩაუტარეს დნმ ანალიზი. ასევე ნაპოვნი ბავშვებიდან სამს უკვე გაუკეთეს დნმ ანალიზი, რითაც დამტკიცდა, რომ ისინი არ ეკუთვნოდნენ "მშობლებს".