არგენტინის ეროვნული საფეხბურთო ნაკრების და “ბარსელონას” თავდამსხმელი ლიონელ მესი გავას მუნიციპალიტეტის სასამართლო სხდომაზე გამოცხადდა. ამის შესახებ ესპანური პრესა იუწყება.
მესის და მამამისს ბრალად გადასახადებისგან თავის არიდება ედებათ. ორივე მათგანი ეჭვმიტანილნი არიან იმაში, რომ 2007, 2008 და 2009 წლებში, საგადასახადო დეკლარაციებში თანხებს არასწორად მიუთითებდნენ. შედეგად, მათ სახელმწიფოს დაახლოებით 4 მილიონი ევრო დაუმალეს.
აქვე გეტყვით, რომ სასამართლოსთან მესის რამდენიმე ათეული მხარდამჭერი დახვდა, რომელიც ფეხბურთელისადმი თანადგომას ხმამაღლა გამოხატავდა.

ლაშა თაბაგარი

www.worldsport.ge